جۇگەنسىز جانكۇيەرلەرگە جول جوق

قانداي دا ءبىر ءىرى جارىس باستالار قارساڭدا تارتىپسىزدىگىمەن كوزگە تۇسكەن جانكۇيەرلەردىڭ ءتول­قۇجاتتارىن جيناپ الۋعا ۇلى­بري­تانيا قۇقىق قورعاۋ ورىن­دارىن­دا زاڭعا نەگىزدەلگەن ءمۇم­كىن­دىك بار. ياعني, فۋتبول ويىن­دارى كەزىندە بۇزاقىلىق ارە­كەت­تەر جاساپ, سونىڭ سالدارىنان ءىستى بولعاندار ءوز ەرىكتەرىمەن پولي­تسياعا تولقۇجاتتارىن تاپسىرۋى ءتيىس. زاڭ تالابى سولاي. ولار بۇل شەشىمدى 2000 جىلى قابىلداعان. ەندى وسى زاڭ بويىنشا ارنايى ەسەپتە تۇرعان 1452 «بۇزىق» برا­زيلياعا بارا المايدى. بۇل شارا الەم چەمپيوناتىن كورۋگە باراتىن بريتانيالىقتاردىڭ شىرقىن بۇزباۋ ءۇشىن قاجەت. فۋتبولدان برازيليادا وتەتىن الەم چەمپيوناتىندا قاۋىپ­سىزدىكتى قامتاماسىز ەتۋ ءۇشىن 1,9 ملرد.  رەال (857,5 ملن. اقش دوللارى) ءبولىنىپ وتىر. سونداي-اق, كۇشتىك قۇرىلىمداردىڭ 157 مىڭ ساربازى دوپ دوداسىنىڭ تىنىشتىعىن كۇزەتەدى. برازيلياداعى الەم چەم­پيوناتىنىڭ قاۋىپ-قاتەرسىز ءوتۋىن قامتاماسىز ەتۋ ماقساتىندا اتالعان ەلدە قۇقىق قورعاۋ قۇرىلىمدارىنىڭ قاتىسۋىمەن مامىر ايىنىڭ ورتاسىنان بەرى دايىندىق جۇرگىزىلدى. سولاردىڭ ءبىرى رەتىندە برازيليا ۇكىمەتىنىڭ ۇزىندىعى 16-19 مىڭ كيلومەتر­گە جەتەتىن ەل شەكاراسىن تۇگەل قامتىعان ءىرى وپەراتسيا وتكىزگەنىن ايتۋعا بولادى. برازيليا پرەزيدەنتى ديلما رۋسسەفف الەم چەمپيوناتى كەزىندە قاۋىپسىزدىك شارالارى قاتاڭ ساقتالاتىنىنا كەپىلدىك بەرىپ وتىر. كۇشتىك قۇرىلىمداردىڭ ساربازدارى چەمپيونات تولىق اياقتالعانشا ەشقايدا كەتپەيدى. جولدىباي بازار, «ەگەمەن قازاقستان».