استانادا اۋدارىسپاقتان ءى اشىق ازيا چەمپيوناتى وتەدى

استانا. 11 ماۋسىم. استاناداعى «قازانات» يپپودرومىندا 15 ماۋسىم كۇنى اۋدارىسپاقتان العاش رەت ءى اشىق ازيا چەمپيوناتى بولادى. بۇل تۋرالى egemen.kz ءتىلشىسى حابارلادى. اتالعان باسەكەدە 11 مەملەكەتتەن قۇرىش بىلەكتى, تاقىمى تاستاي جىگىتتەر ونەر كورەتەدى. ناقتىسىن ايتقاندا, چەمپيوناتتا قازاقستان, قىتاي, رەسەي, تۇركيا, ۆەنگريا, اۋعانستان, قىرعىزستان, تاجىكستان, وزبەكستان, ازەربايجان جانە موڭعوليا مەملەكەتتەرىنىڭ سپورتشىلارى سايىسىپ, جەڭىمپازدى انىقتايتىن بولادى. جارىس ءۇش سالماق دارەجەسى بويىنشا وتەدى (70 كيلوعا دەيىن, 90 كيلوعا دەيىن, 90 كيلودان جوعارى). سايىس سوڭىندا جۇلدەگە ىلىككەندەر ءوزارا ءابسوليۋتتى چەمپيون اتاعىن ساراپقا سالادى. بۇل چەمپيوناتتى سپورت جانە دەنە شىنىقتىرۋ ىستەرى اگەنتتىگى, «سامۇرىق-قازىنا» ۇلتتىق ءال-اۋقات قورى جانە ۇلتتىق سپورت تۇرلەرى قاۋىمداستىعى بىرلەسە ۇيىمداستىرىپ وتىر. قاپەرىڭىزدە ءجۇرسىن, اۋدارىسپاق – سالت اتتىلار ءبىرىن-ءبىرى ەر ۇستىنەن اۋدارىپ ءتۇسىرۋدى كوزدەيتىن قازاقتىڭ ۇلتتىق سپورت تۇرلەرىنىڭ ءبىرى. ات ۇستىندە الىسۋ ءۇشىن سپورتشى ەپتى, ءتوزىمدى, مىقتى بولۋى كەرەك. جولدىباي بازار. دەرەككوز: egemen.kz. فوتو: ulttygsport.kz.