ەلىمىز بويىنشا استانا تۋرالى 25 جاڭا ءان جازىلدى

استانا. 11 مامىر. ەلوردا كۇنىنە وراي  ۇيىمداستىرىلىپ وتىرعان «ءان جۇرەگىم - استانا!» جاس ورىنداۋشىلاردىڭ بايقاۋىنا ەلىمىزدىڭ وڭىرلەرىنەن استانا تۋرالى 25 اۆتورلىق ءان كەلىپ ءتۇستى. بۇل تۋرالى astana.kz حابارلادى. استانا كۇنىنە ارنالعان مەرەكەلىك شارالاردى دايىنداۋ جانە وتكىزۋ جونىندەگى ۇيىمداستىرۋ كوميتەتىنىڭ مەديا-شتابى حابارلاعانداي, بايقاۋعا قاتىسۋعا نيەت بىلدىرگەندەردەن وتىنىمدەر قابىلداۋ 20 ماۋسىمعا دەيىن جالعاسادى. بايقاۋ العاش وتكىزىلگەلى بەرى, ياعني, ءتورت جىلدىڭ ەلوردامىز جايلى 100 جۋىق جاڭا ءان جازىلىپتى. ونەر سايىسىن ۇيىمداستىرۋشىلاردىڭ ايتۋلارىنا قاراعاندا, «ءان جۇرەگiم - استانا!» ەلوردا تۋرالى ۇزدىك اندەردى كوپشىلىككە تانىستىرادى ەتەدى, سونداي-اق, جاس دارىندى ورىنداۋشىلارعا ۇلكەن ساحناعا شىعۋعا مۇمكىندىك بەرەدى. شارانى وتكىزۋدەگى ماقسات –  جاستاردى وتانشىلدىققا, ەلدى, جەردى سۇيۋگە شاقىرۋ. بايقاۋ تالابى بويىنشا, قاتىسۋشىلاردىڭ جاسى 30-دان اسپاۋى كەرەك. سونداي-اق,  اۆتورلىق ءان تولىعىمەن «ءان جۇرەگiم - استانا!» تاقىرىبىنا ساي بولۋى ءتيىس. جەڭىمپاز بەن جۇلدەگەرلەر گالا-كونتسەرتكە قاتىسىپ, ديپلومدارمەن جانە باعالى سىيلىقتارمەن ماراپاتتالادى. جولدىباي بازار. دەرەككوز: astana.kz. فوتو: afishaday.kz.