استانا – ەرەيمەنتاۋ – شىدەرتى تاس جولىنىڭ 16-200 شاقىرىمى (استانا قالاسىنىڭ ۋچاسكەسى – پاۆلودار وبلىسىنىڭ شەكاراسى) مەن استانا – ەرەيمەنتاۋ – شىدەرتى تاس جولىنىڭ 200-254 شاقىرىمىندا (اقمولا وبلىسىنىڭ شەكاراسى – شىدەرتى ەلدى مەكەنى) كولىكتىڭ بارلىق تۇرلەرى ءۇشىن قوزعالىس ۋاقىتشا شەكتەلدى.
«اۋا رايىنىڭ قولايسىزدىعىنا بايلانىستى جول قىزمەتى كۇشەيتىلگەن جۇمىس رەجيمىنە اۋىستىرىلدى», دەلىنگەن «قازاۆتوجول» اق حابارلاماسىندا.
كوماپانيا جابىلعان رەسپۋبليكالىق ماڭىزى بار تاسجولعا شىققانى ءۇشىن 30 اەك (103 500 تەڭگە) مولشەرىندە ايىپپۇل تۇرىندەگى اكىمشىلىك جاۋاپكەرشىلىك, سونىمەن قاتار 15 تاۋلىككە دەيىن قاماققا الۋ تۇرىندەگى اكىمشىلىك جاۋاپكەرشىلىك بەلگىلەنگەنىن ەسكە سالدى.
قوسىمشا اقپاراتتى «قازاۆتوجول» اق تاۋلىك بويى جۇمىس ىستەيتىن بايلانىس ورتالىعىنىڭ «1403» قىسقا نومىرىنە قوڭىراۋ شالۋ ارقىلى الۋعا بولادى.
