ەلىمىزدىڭ باسىم بولىگىندە اياز ساقتالادى

ەلىمىزدىڭ كەيبىر ايماقتارىندا قاتتى ۇسىك كۇتىلەدى.

«رەسپۋبليكا اۋماعىنىڭ باسىم بولىگىندە ايازدى اۋا رايى ساقتالادى. تۇندە سولتۇستىكتە, الماتى, تۇركىستان, جەتىسۋ وبلىستارىنىڭ تاۋلى ايماقتارىندا 30-33 گرادۋس اياز, قاراعاندى, ۇلىتاۋ وبلىستارىنىڭ شىعىسىندا -40 گرادۋس اياز, كەي جەرلەردە وتە قاتتى اياز كۇتىلەدى. ماڭعىستاۋ وبلىسىنىڭ سولتۇستىك-شىعىسىندا اياز ساقتالادى, اۋا تەمپەراتۋراسى 20-24 گرادۋس اياز. جامبىل وبلىسىندا 30-33 گرادۋس اياز كۇتىلەدى», دەلىنگەن «قازگيدرومەت» رمك حابارلاماسىندا.

سينوپتيكتەردىڭ بولجاۋىنشا, ەلىمىزدىڭ وڭتۇستىك-شىعىسىندا, شىعىسىندا جانە سولتۇستىگىندە قار جاۋادى, ازداعان قارلى بورانمەن جەل كۇشەيەدى, وڭتۇستىك-شىعىستا تۇمان كۇتىلەدى.

ء«ىرى قالالارعا كەلەتىن بولساق, استانادا كوشپەلى بۇلت شىعادى, وتكىنشى قار جاۋادى, بۇرقاسىن بولادى. وڭتۇستىك-باتىستان 9-14 م/س جەل سوعادى. اۋا تەمپەراتۋراسى تۇندە -27...-29°س, كۇندىز -17...-19°س; الماتىدا – كوشپەلى بۇلت شىعادى, جاۋىن-شاشىنسىز. جەل 0-5 م/س. اۋا تەمپەراتۋراسى تۇندە -21...-23°س, كۇندىز -15...-17°س; شىمكەنتتە – كوشپەلى بۇلت شىعادى, جاۋىن-شاشىنسىز. سولتۇستىك-شىعىستان 3-8 م/س جەل سوعادى. اۋا تەمپەراتۋراسى تۇندە -24...-26°س, كۇندىز -10...-12°س», دەپ تولىقتىردى ۆەدومستۆو.