2020 جىلى جاڭعىرتىلىپ كوگىلدىر وتىنعا قوسىلعان قازاندىق ارقىلى 70-تەن استام كوپقاباتتى جانە جەكە سەكتورداعى 112 ءۇي جىلىتىلادى. سونىمەن بىرگە 8 مەملەكەتتىك مەكەمە مەن 97 بيزنەس جانە وزگە دە ورتالىقتار جىلۋمەن قامتاماسىز ەتىلەدى. قازىر اتالعان نىساندارعا ناسوستى ستانسالار ارقىلى جىلۋ بەرىلىپ جاتىر. ارنايى قۇرىلعان كوميسسيا جارىلىستىڭ نەدەن تۋىنداعانىن انىقتايتىن بولادى. ماماندار اپات ورنىن تازالاپ, قوسىمشا پەشتى ىسكە قوستى.
«قازىرگى تاڭدا قالادا 10 قازاندىق بار. ونىڭ ىشىندەگى بەسەۋىن گازعا اۋىستىرعانبىز. قالعان بەسەۋى كومىر جاعادى. بۇدان بولەك مەكتەپتەردىڭ ءوز قازاندىعى بار. اۋرۋحانالاردىڭ كەيبىرىنىڭ جەكە قازاندىعى بار. ءبارى قالىپتى دەڭگەيدە جۇمىس ىستەپ جاتىر. جىلۋمەن قامتاماسىز ەتۋ تولىق جۇرگىزىلۋدە», قالا اكىمى اسەت ماساباەۆ.
ايتا كەتەلىك, قالاداعى جىلۋ جۇيەسىنىڭ 62 پايىزى ەسكىرگەن. قالا اكىمىنىڭ ايتۋىنشا, قۇبىرلار مەن جىلىتۋ قازاندىقتارىن جاڭعىرتۋ ءۇشىن بەس جىلدىق جوسپار جاسالعان. سوعان سايكەس اۋىستىرۋ, جوندەۋ جۇمىستارى جۇرگىزىلەدى.
جەتىسۋ وبلىسى
