تابيعي گازعا قوسىلعان ءۇيدىڭ وتاناسى گۇلناز شاكەنوۆا اۋدان ورتالىعىنان شاعىن كافەتەري اشقانىن بۇعان دەيىن حابارلاعانبىز. قۋانىشقا كەنەلىپ جاتقان كەلىنشەك وبلىس باسشىلىعىنىڭ قولداۋىمەن تابيعي گازعا تەگىن قوسىلعانىن ايتتى. ونىڭ ايتۋىنشا, بۇعان دەيىن جىلىنا 10-12 توننا كومىردىڭ قاسىنا تامىزىققا وتىن الىپ, جانعان وتتىڭ ك ۇلىن شىعارىپ, ماشاقاتىن كورىپ, ءبىر قىستا 200 مىڭ تەڭگە جىلۋعا جۇمساپ وتىرعان. ەندى تابيعي گازدىڭ ءار تەكشە مەترىنە 30 تەڭگەدەن تولەيدى.
تۋرا جىلدىڭ سوڭىندا تابيعي گازعا قول جەتكىزگەن وسىنداي قۋانىش وزگەلەرگە دە جۇعىستى بولدى. قاڭتاردا سارىوزەكتەگى باسقا دا ۇيلەر كوگىلدىر وتىنعا قوسىلماق. وبلىستىق تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسى ەرنات ءبازىلدىڭ ايتۋىنا قاراعاندا, كەربۇلاق اۋداندىق اكىمدىگىنىڭ عيماراتىنا ورنالاسقان «قازترانسگاز» كومپانياسىنىڭ ماماندارى تۇرعىنداردى قابىلدايدى.
«بۇگىن وزدەرىڭىزدىڭ قاتىسۋلارىڭىزبەن ءبىر وتباسىن گازعا قوسىپ وتىرمىز. اۋدان ورتالىعىنا 1 ماگيسترالمەن گاز كەلىپ تۇر. ەندى سارىوزەكتىڭ حالقى «قازترانسگاز» كومپانياسىنان تەحنيكالىق شارتتاردى الىپ, تابيعي گازعا قوسىلۋعا مۇمكىندىك الادى. گاز اۋىلعا تولىعىمەن كەلدى», دەگەن ەرنات دۇيسەنبەك ۇلى الداعى جىلداردىڭ جوسپارىن تانىستىرىپ ءوتتى. «اۋدان ورتالىعىنان بولەك تاعى 25 ەلدى مەكەندى گازعا قوسۋ جوسپاردا تۇر. ءدال قازىر بەسەۋىنىڭ جوباسى ساراپتامادان ءوتىپ جاتىر. قولىمىزعا تيە سالىسىمەن قۇرىلىسىن باستايمىز. قالعان 20 اۋىلعا اۆتوماتتى گاز تاراتۋ ستانساسىن ورناتۋدىڭ جوبالىق-سمەتالىق قۇجاتتاماسىن جاساۋعا بايقاۋ جاريالايمىز. شارتتى جۇمىستارى جازعا سالىم اياقتالسا جىل سوڭىنا دەيىن 20 اۋىلعا گاز تارتۋ جۇمىستارى باستالادى. الداعى 2024 جىلعا دەيىن ولاردىڭ ءبارى اياقتالۋعا ءتيىس».
وڭىرگە ارنايى كەلگەن ەل پرەزيدەنتى سارىوزەكتەن باستاپ تالدىقورعانعا دەيىنگى ارالىقتا جاتقان اۋىلدارعا گاز جەتكىزۋدى تاپسىرما رەتىندە جۇكتەدى. ودان سوڭ اقسۋ, سارقان, الاكول اۋداندارىنا 350 شاقىرىمدىق ماگيسترالدى قۇبىرمەن تابيعي گاز جەتكىزۋ مىندەتى تۇر. ونىڭ جوباسى دايىن. بيىل قاڭتار, اقپان ايلارىندا مەملەكەتتىك ساراپتامادان وتسە قاجەتتى جۇمىستار باستالادى. بۇل باعىتتاعى جۇمىستار 3 كەزەڭمەن جۇرگىزىلەدى.
وسى رەتتە ايتا كەتەيىك, وسىنداي قۋانىشتى جاڭالىق ەسكەلدى اۋدانى, تولەڭگىت اۋىلدىق وكرۋگىنە قاراستى ەكپىندى اۋىلىنا دا ورىن الدى. مۇندا گاز تارتۋ جەلىلەرىن سالۋ جۇمىسى 2022 جىلى باستالىپ, بۇگىندە مەرزىمىنەن بۇرىن اياقتالىپ وتىر.
«اۋىلدىڭ دامۋى, كەلەشەگىنىڭ زور بولۋى سىزدەرگە, ياعني سىزدەردىڭ ەڭبەكقورلىقتارىڭىز بەن بىرلىكتەرىڭىزگە بايلانىستى. سوندىقتان دا, ارقاشان بىرلىگىمىز بەكەم, ىنتىماعىمىز ىرىستى بولسىن! اۋدانىمىزدىڭ ماقتانىشى بولاتىنداي ەكپىندى اۋىلى گۇلدەنىپ, يگى ىستەرىمىز ودان ءارى جالعاسا بەرسىن», دەدى اۋدان اكىمى ەلدوس احمەتوۆ.
ەكپىندى اۋىلىنىڭ تۇرعىندارى كوپتەن بەرى كۇتكەن جانالىققا قۋانىشتارىن جاسىرماي, اۋدان باسشىسىنا العىس ءبىلدىردى. قۋانىشتى ساتتە اۋداندىق ارداگەرلەر كەڭەسىنىڭ توراعاسى بيمۋرات بورانباەۆ جينالعان قاۋىمعا ءوز باتاسىن بەردى.
وبلىستىق تۇرعىن ءۇي-كوممۋنالدىق شارۋاشىلىق باسقارما باسشىسىنىڭ ايتۋىنشا, حالىقتى تابيعي گازعا قوسۋدىڭ باعاسى ءوڭىر بويىنشا 135-175 مىڭ تەڭگەنىڭ ارالىعىندا. مەردىگەر كومپانيالار باعانى ءجونسىز وسىرمەۋى ءۇشىن تابيعي گازدىڭ پەشتەرى مەن قاجەتتى تەتىكتەرىن مولىنان ساتىپ الىپ, تۇرعىندارعا ۇزاق ۋاقىتقا قارىزعا بەرۋ جوسپارلانىپ وتىر. سوندا عانا گازعا قوسۋدىڭ باعاسىن تۇراقتاندىرۋعا بولادى.
جەتىسۋ وبلىسى
