قىلمىس جاساعاندار مەكتەپتەردە ۇستاز بولىپ ءجۇر

اتىراۋ مەكتەپتەرىندە اۋىر قىلمىس جاساعان ادامدار جۇمىس جاساپ كەلىپتى. ولاردىڭ ىشىندە ادام ولتىرۋگە قاتىسقاندار  دا بار. بۇل دەرەكتەردى وبلىستىق پروكۋراتۋرا قىزمەتكەرلەرى جاسى كامەلەتكە تولماعاندارمەن جۇمىس جاسايتىن دەنساۋلىق ساقتاۋ, الەۋمەتتىك قورعاۋ, سپورت جانە دەنەشىنىقتىرۋ, ءبىلىم بەرۋ ۇيىمدارىندا ەڭبەك زاڭنامالارى تالاپتارىنىڭ ساقتالۋىنا تەكسەرۋلەر كەزىندە انىقتادى. تەكسەرۋ بارىسىندا زاڭدا بەلگىلەنگەن تارتىپپەن وتەلمەگەن نەمەسە الىنباعان سوتتىلىعى بار ادامدار جانە كامەلەتكە تولماعان­­دار­عا قاتىستى قىلمىستارى (ادام ولتىرگەنى, دەنساۋلىعىنا قاساقا­نا زيان كەلتىرگەنى, جىنىستىق تيىسپەۋشىلىگىنە قارسى) ءۇشىن سوت­تىلىعى بولعان ادامداردى جۇمىسقا قابىلداۋ فاكتىلەرى انىقتالدى. سونىمەن قاتار, سىبايلاس جەمقورلىق ساناتتاعى قىلمىس جاساعان ادامدى لاۋازىمدى ورىنعا قابىلداۋ فاكتىلەرى اشكەرە بولىپ وتىر. انىقتالعان فاكتىلەر بويىنشا وبلىستىق پروكۋراتۋرامەن ۋاكىلەتتى ورگانداردىڭ اتىنا زاڭدىلىقتى بۇزۋشىلىقتى جويۋ تۋرالى ۇسىنىستار ەنگىزىلدى. ونىڭ قارالۋ قورىتىندىسىمەن ەڭبەك زاڭناماسىنىڭ بۇزىلۋىنا جول بەرگەن مەكەمە باسشىلارى تارتىپتىك جانە اكىمشىلىك جاۋاپكەرشىلىككە تارتىلدى. بۇعان قوسا 5 مەكتەپ ديرەكتورى, 1 باس ەسەپشى, 5 مۇعالىم, 4 جاتتىقتىرۋشى, 10 تەحنيكالىق قىزمەتكەر قىزمەتىنەن بوساتىلدى. جولداسبەك شوپەعۇل, «ەگەمەن قازاقستان». اتىراۋ وبلىسى.