«قازگيدرومەت» رمك اقپاراتى بويىنشا, ەل اۋماعىنىڭ باسىم بولىگىنە اركتيكالىق ايازدى انتيتسيكلون اسەر ەتەدى.
«رەسپۋبليكانىڭ وڭتۇستىگىندە, وڭتۇستىك-شىعىسىندا, شىعىسىندا, سولتۇستىگىندە اتموسفەرالىق فرونتالدى بولىمدەردىڭ وتۋىمەن قار وتەدى, رەسپۋبليكانىڭ وڭتۇستىگىندە, وڭتۇستىك-شىعىسىندا تاۋلى اۋدانداردا كەيدە قالىڭ قار, جەلدىڭ كۇشەيۋى, بوران, كوكتايعاق كۇتىلەدى. كەي جەرلەردە تۇمان تۇسەدى», دەلىنگەن سينوپتيكتەردىڭ حابارلاماسىندا.
مامانداردىڭ بولجامى بويىنشا:
- تۇندە اقتوبە وبلىسىنىڭ سولتۇستىگىندە -40-41 گرادۋسقا دەيىن,
- ماڭعىستاۋ وبلىسىندا -25 گرادۋس,
- اقمولا وبلىسىندا -40 گرادۋسقا دەيىن,
- قاراعاندى وبلىسىندا -35-38 گرادۋس,
- اقتوبە وبلىسىندا -35-36 گرادۋسقا دەيىن,
- اتىراۋ وبلىسىندا -30 گرادۋس,
- تۇركىستان وبلىسىنىڭ سولتۇستىگىندە -25-27 گرادۋس,
- جەتىسۋ وبلىسىنىڭ تاۋلى اۋداندارىندا -25 گرادۋس اياز كۇتىلەدى.
استانادا اۋىسپالى بۇلتتىلىق ساقتالىپ, كەيدە ازداعان قار جاۋادى. باتىستان سوققان جەلدىڭ ەكپىنى 3-8 م/س دەيىن جەتەدى. تۇندە اۋا تەمپەراتۋراسى -35...-37°س, كۇندىز -26...-28°س بولادى.
الماتىدا كۇن بۇلتتى بولادى دەپ بولجانادى, كەيدە قار جاۋىپ, تۇمان, كوكتايعاق كۇتىلەدى. اۋا تەمپەراتۋراسى تۇندە جانە كۇندىز -10...-12°س جەتىپ, ودان ءارى تومەندەيدى.
شىمكەنتتە اۋىسپالى بۇلت, تۇندە جانە تاڭەرتەڭ قار جاۋىپ, تۇمان تۇسەدى. سولتۇستىك-باتىستان, سولتۇستىكتەن جەل سوعىپ, 8-13 م/س دەيىن جەتەدى. تۇندە اۋا تەمپەراتۋراسى -14...-16°س, كۇندىز -8...-10°س.
