سەلفي-كونكۋرس: «استانا جانە مەن»

«ەگەمەن قازاقستان» كونكۋرستىڭ وسىنداي ءتۇرىن جاريالاپ وتىر جىل سايىن كوڭىلگە جىلىلىق ۇيالاتا كەلەتىن مامىراجاي استانا كۇنى جاقىنداپ كەلەدى. وسى ايتۋلى كۇنگە وراي «ەگەمەن قازاقستان» گازەتىنىڭ ينتەرنەت-رەداكتسياسى facebook الەۋمەتتىك جەلىسىن قولدانۋشىلار ءۇشىن «استانا جانە مەن» اتتى سەلفي-كونكۋرس ۇيىمداستىرۋعا شەشىم قابىلدادى. سەلفي (فوتواۆتوپورترەت) – face­book الەۋمەتتىك جەلىسىن قولدا­نۋشىلار اراسىندا كەڭىنەن تارا­عان سۋرەتكە ءتۇسىرۋ ادىستەرىنىڭ ءبىرى. قازىرگى تاڭدا جاستار جاعى كو­بىرەك پايدالاناتىن سۋرەتكە باسۋ­دىڭ بۇل ءتاسىلى ينتەرنەتتى, سونىڭ ىشىندە الەۋمەتتىك جەلىلەردى تۇراق­تى تۇردە قولداناتىندار اراسىندا ترەندكە اينالىپ وتىر دەسە دە بولادى. كونكۋرسقا قاتىسۋشىلاردىڭ ۇسىناتىن سۋرەتتەرىندە استانانىڭ بۇگىنگى كەلبەتى, ونداعى تاريحي جانە حالىقتىڭ كوز قۋانىشىنا اينالعان, الەۋمەتتىك ماڭىزى زور ورىندار كورىنىس بەرۋلەرى كەرەك. سايىسقا قاتىسۋشىلاردىڭ ­ارنايى تىركەۋدەن ءوتۋىنىڭ قاجەتى جوق. ولار وزدەرى تۇسىرگەن ەلور­دامىزعا قاتىستى سۋرەتتەرىن 16-30 ماۋسىم كۇندەرى ارالىعىندا facebook-تاعى­ photo.egemen.kz سايتىنا جىبەرىپ تۇرۋلارى ءتيىس. كەلىپ ءتۇس­كەن سۋرەتتەردىڭ ارقايسىسى مودەراتسيا­دان وتكەن­نەن كەيىن photo.egemen.kz سايتىنا ورنالاستىرىلادى. كونكۋرستىڭ سوڭىندا سايتقا ورنالاستىرىلعان جۇمىستار ىرىك­تەلىپ, جەڭىمپاز بەن جۇلدەگەرلەر ەسىمدەرى انىقتالادى. ولارعا رە­داكتسيانىڭ ارنايى سىي-سياپاتتارى تاپسىرىلادى. جولدىباي بازار, «ەگەمەن قازاقستان».