ەنەرگەتيكا ءمينيسترى بولات اقشولاقوۆ پەن «قازمۇنايگاز» ۇك» اق باسقارما توراعاسى ماعزۇم مىرزاعاليەۆ ءارتۇرلى وتىن تۇرلەرىنىڭ قورلارى, ءوندىرىس جوسپارلارى جانە جانار-جاعارماي ماتەريالدارى نارىعىنداعى احۋال جايلى باياندادى.
كەڭەسكە قاتىسۋشىلار ىشكى نارىقتى ديزەل وتىنىمەن, اتاپ ايتقاندا جانارماي بەكەتى جەلىلەرىن, اۋىل شارۋاشىلىعى تاۋارىن وندىرۋشىلەردى, ونەركاسىپ جانە كولىك كاسىپورىندارىن ديزەل وتىنىمەن قامتاماسىز ەتۋ, باعا بەلگىلەۋ, يمپورت, شىمكەنت ءموز-ءىنىڭ قۋاتىن ۇلعايتۋ جانە باسقا دا بىرقاتار ماسەلەنى تالقىلادى.
پرەمەر-مينيستر وتىننىڭ قازاقستاننان تىس جەرلەرگە كوپ مولشەردە «شىعارىلۋىن» ازايتۋ ءۇشىن ىشكى نارىقتا جانار-جاعارماي ماتەريالدارىن ساتۋعا مونيتورينگ پەن باقىلاۋدى كۇشەيتۋ قاجەتتىگىن اتاپ ءوتتى. وسىعان بايلانىستى ۇكىمەت باسشىسى جانار-جاعارماي ماتەريالدارىن وتكىزۋدى ەسەپكە الۋ ءۇشىن ستانتسيالاردى ارنايى تسيفرلىق جۇيەمەن تولىق قامتۋدى ۇيىمداستىرۋدى تاپسىردى.
كەڭەس قورىتىندىسى بويىنشا پرەمەر-مينيستر بىرقاتار ناقتى تاپسىرما بەردى.
