جاڭا ءبىلىم ورداسى ءبورىباي بي اۋىلىندا بوي كوتەردى. ءمودۋلدى كونسترۋكتسيالاردى قولدانۋدىڭ كومەگىمەن مەكتەپ 6 ايدا تۇرعىزىلعان. عيماراتتىڭ جالپى الاڭى 1 440 شارشى مەتردەن اسادى, 13 كابينەت قاجەتتى قۇرالدارمەن جابدىقتالعان. جوبانىڭ جالپى قۇنى – 1,4 ملرد تەڭگە. مۇنداعى فۋتبول الاڭى, سپورتزال اۋىل بالالارىنىڭ تۇراقتى تۇردە سپورتپەن اينالىسۋىنا مۇمكىندىك تۋعىزباق.
«جاڭا مەكتەپ ماعان قاتتى ۇنادى, ءىشى جارىق, جىلى. بۇرىنعى ەسكى مەكتەپتە كابينەتتەر تار ەدى, اسىرەسە ءۇزىلىس كەزىندە قولايسىز بولاتىن», دەيدى ءا.بوكەيحان اتىنداعى مەكتەپتىڭ وقۋشىسى اجار ءالىموۆا.
جاركەنت قالاسىندا 284 ورىندى بالاباقشا اشىلدى. جەكە كاسىپكەر وعان شامامەن 300 ملن تەڭگەدەي ينۆەستيتسيا سالعان. جاڭا نىساندا 30 ادام جۇمىسپەن قامتىلادى. كاسىپكەر مۇراتجان زۋبارشاەۆتىڭ ايتۋىنشا, بۇل – بالالار جىلى اياسىندا اشىپ وتىرعان العاشقى نىسانى. پانفيلوۆ اۋدانىنىڭ اكىمى مارات ساعىمبەكتىڭ سوزىنە سۇيەنسەك, بيىل جاركەنت وڭىرىندە بىرنەشە نىسان ىسكە قوسىلعان ەكەن.
«بىلتىر مەتسەناتتاردىڭ كومەگىمەن اۋىلداردا 4 سپورت كەشەنى اشىلدى. ەندى بەسىنشىسىن اشامىز. بۇل حالىقتىڭ دەنساۋلىعىن نىعايتۋعا, بۇقارالىق سپورتتى دامىتۋعا مۇمكىندىك بەرەدى», دەيدى م.ساعىمبەك.
جاڭا سپورت زالىنىڭ جالپى الاڭى – 250 شارشى مەتر. وعان 150 ملن تەڭگە ينۆەستيتسيا تارتىلعان. 15 جاڭا جۇمىس ورنى اشىلدى. كاسىپكەر ارمان مۇراتجان وزىنە كورسەتىلگەن قولداۋعا ريزاشىلىعىن جەتكىزىپ, قوعامعا پايدالى ءىس اتقارۋ ورتاق مىندەت ەكەنىن اتاپ ءوتتى.
جەتىسۋ وبلىسى
