جاستار جاريالاعان ۇندەۋگە ۇلەس قوسقانداردىڭ ارقاسىندا اينالاسى 2-3 كۇندە جەتكىلىكتى قارجى جينالىپ, باسپانا ساتىپ الدى. ارتىلعان اقشاعا ۇيگە گاز كىرگىزىلىپ, جوندەۋ جۇمىستارى جۇرگىزىلدى.
وسىنداي قامقورلىقتىڭ ارقاسىندا باسپانالى بولعان ماعريپا لەپەسوۆاعا تۇرعىن ءۇي كىلتىن تابىس ەتكەن اۋدان اكىمى مۇحتار ورازباەۆ جاستارعا ريزاشىلىعىن جەتكىزدى.
– دانا حالقىمىزدا «ون ادام جۇرگەن جەردە ءىز, ءجۇز ادام جۇرگەن جەردە سوقپاق, مىڭ ادام جۇرگەن جەردە جول قالار» دەگەن بار. اتالار اماناتتاعان وسىنداي جاقسىلىقتىڭ جولىنان جاڭىلماعان جاستارىمىز ءتىلسىز جاۋدىڭ كەسىرىنەن ۇيىنەن ايىرىلعان جالعىزباستى اناعا باسپانا الىپ بەردى. سوندىقتان دا بۇگىنگى يگى باستامالاردى جۇزەگە اسىرىپ, ەل ىقىلاسىنا بولەنگەن قازالى قالاسىنىڭ جاستارىنا العىسىمىزدى ايتامىز, – دەدى اۋدان اكىمى.
سالتاناتتى ءىس-شارادا جاڭا باسپاناعا قول جەتكىزگەن ماعريپا لەپەسوۆا قايىرىمدىلىق ىسكە ۇيىتقى بولعاندارعا العىسىن ايتىپ, ريزاشىلىعىن جەتكىزدى.
قىزىلوردا
