«الەۋمەتتىك جەلىلەردەگى رەاكتسيالارعا سۇيەنسەك, سوڭعى كادرلىق وزگەرىستەردە جاس كادرلاردى ۇسىنۋ ەڭ ۇلكەن قوعامدىق قىزىعۋشىلىقتى تۋدىردى. وسىعان بايلانىستى جاڭا مينيسترلەر اسحات ورالوۆ پەن زۋلفيا سۇلەيمەنوۆا پرەزيدەنتتىك جاستار كادرلىق رەزەرۆىندە تۇرعانىنا نازار اۋدارعىم كەلەدى. بۇل جوبانى مەملەكەت باسشىسى قاسىم-جومارت توقاەۆ 2019 جىلى باستاعان ەدى. قازىرگى ۋاقىتتا ۇكىمەتتىڭ ءۇش مۇشەسى - پرەزيدەنتتىك جاستار كادرلىق رەزەرۆىنىڭ وكىلدەرى», دەپ جازدى ەرلان قارين.
بارلىعى 350 رەزەرۆشىنىڭ 258-ءى ءارتۇرلى جاۋاپتى لاۋازىمدارعا تاعايىندالدى, ونىڭ ىشىندە 34-ءى - «ا» كورپۋسىنىڭ ساياسي جانە مەملەكەتتىك قىزمەتشىلەرى.
«وسىلايشا, جاس مامانداردى باسشىلىق لاۋازىمدارعا ۇسىنۋ بويىنشا جوسپارلى جۇمىس جالعاسىپ جاتىر. پرەزيدەنتتىك جاستار كادرلىق رەزەرۆى جوباسىن ودان ءارى ىسكە اسىرۋ پرەزيدەنتتىڭ سايلاۋالدى باعدارلاماسىنىڭ باسىمدىقتارىنىڭ ءبىرى بولىپ سانالاتىنىن ايتا كەتكەن ءجون», دەپ قورىتىندىلادى مەملەكەتتىك كەڭەسشى.
