قاراعاندى وبلىسى اكىمىنىڭ جاڭا ورىنباسارى تاعايىندالدى

استانا. 9 ماۋسىم.  پرەزيدەنت اكىمشىلىگىنىڭ كەلىسىمىمەن جانە قاراعاندى وبلىسىنىڭ اكىمى باۋىرجان ابدىشەۆتىڭ وكىمىمەن جانار رۇستەمقىزى بەكبانوۆا وبلىس اكىمىنىڭ الەۋمەتتىك سالا جانە ىشكى ساياسات ماسەلەلەرى جونىندەگى ورىنباسارى بولىپ تاعايىندالدى. بۇل تۋرالى «قازاقپارات» حابارلادى. جانار بەكبانوۆا 1975 جىلى 26 مامىردا قاراعاندى قالاسىندا تۋعان. ە.ا.بوكەتوۆ اتىنداعى قاراعاندى مەملەكەتتىك ۋنيۆەرسيتەتىن جانە «قازتۇتىنۋوداعىنىڭ» قاراعاندى ەكونوميكالىق ۋنيۆەرسيتەتىن بىتىرگەن. فيلولوگ, ورىس ءتىلى مەن ادەبيەتىنىڭ وقىتۋشىسى, زاڭتانۋ باكالاۆرى. 1996-2006 جىلدارى «قازاقستان» رەسپۋبليكالىق تەلەراديوكورپوراتسياسى» اكتسيونەرلىك قوعامى قاراعاندى وبلىستىق فيليالىندا رەجيسسەر-ءتىلشى, رەداكتور-ءتىلشى, رەداكتور قىزمەتتەرىن اتقارعان. 2006-2009 جىلدارى قاراعاندى وبلىسى اكىمى اپپاراتىنىڭ باس مامانى, ءباسپاسوز قىزمەتىنىڭ جەتەكشىسى, 2009-2010 جىلدارى «نۇر وتان» حدپ توراعاسى ءبىرىنشى ورىنباسارىنىڭ كەڭەسشىسى. 2010-2012 جىلدارى «نۇر وتان» حدپ ورتالىق اپپاراتىندا ءباسپاسوز قىزمەتىنىڭ باسشىسى بولدى. ول وسى تاعايىنداۋعا دەيىن پارلامەنتى ءماجىلىسى اپپاراتى باسشىسىنىڭ ورىنباسارى قىزمەتىن اتقارعان. جولدىباي بازار. دەرەككوز: «قازاقپارات». فوتو: News.nur.kz.