اقتوبە وبلىسىندا 2 ملن. تەڭگە تالاپ ەتكەندەر ۇستالدى

اقتوبە. 9 ماۋسىم. اقتوبە وبلىسى حرومتاۋ قالاسىندا ءتۇن مەزگىلىندە بەس قاباتتى ءۇيدىڭ ەكىنشى قاباىنداعى پاتەرگە مەديتسينالىق بەتپەردە كيگەن ەكى جىگىت كىرىپ, ءۇي يەلەرىنەن 2 ميلليون تەڭگە تالاپ ەتكەن. بۇل تۋرالى egemen.kz ءتىلشىسى حابارلادى. بەتىن تۇمشالاپ العان ەكەۋ پاتەرگە تەرەزە ارقىلى كىرەدى دە, ءۇي يەلەرىن قورقىتىپ, ولاردان 2 ملن. تەڭگە تاۋىپ بەرۋدى تالاپ ەتەدى. سول ارادا شاقىرۋسىز كەلگەن «قوناقتار» مەن ۇيدەگىلەر اراسىندا توبەلەس بولىپ, سونىڭ سالدارىنان ءۇي يەسىنىڭ ءىنىسى تاياققا جىعىلادى. سودان, قاراقشىلىق شابۋىل جاساعاندار ەكىنشى قاباتتان سەكىرىپتۇسىپ, تايىپ تۇرعان. ال جاراقات العان جىگىت اۋرۋحاناعا جەتكىزىلەدى. بۇل وقيعا جونىندە ءۇي يەسى – 42 جاستاعى  ايەل ورىن العان كەلەڭسىز جاعدايدى پوليتسيا بولىمىنە حابارلايدى. شۇعىل ىزدەستىرۋ جۇمىستارىنىڭ ناتيجەسىندە  كريمينالدىق پوليتسيا قىزمەتكەرلەرى 19-20 جاستاعى ءۇش جىگىتتىڭ ىزىنە تۇسەدى. ولاردى وسى قىلمىسقا كۇدىكتى دەپ ۇستاپ, حرومتاۋ  اۋداندىق ىشكى ىستەر ءبولىمىنىڭ ۋاقىتشا ۇستاۋ قاماعىنا سالعان. ۇشەۋى دە اقتوبە قالاسىنىڭ تۇرعىندارى بولىپ شىقتى. ولاردان تەكسەرۋ كەزىندە پنەۆماتيكالىق پيستولەت الىنعىن. ەندى كۇدىكتىلەردىڭ ۇستىنەن قىلمىستىق كودەكستىڭ 179-بابى بويىنشا ءىس قوزعالدى. ساتىبالدى ءساۋىرباي. دەرەككوز: egemen.kz. فوتو: Bnews.kz.