دەپۋتات ارمان قوجاحمەتوۆ كونستيتۋتسيالىق سوتتىڭ جاڭا سۋديالارىنىڭ كانديداتۋرالارىن ۇسىنا وتىرىپ, قانات ءمۋسيننىڭ كوپتەگەن جىلدار بويى قۇقىقتىق قورعاۋ, ادىلەت ورگاندارىندا جۇمىس ىستەگەنىن, پارلامەنت ءماجىلىسىنىڭ دەپۋتاتى, كوميتەت توراعاسى بولعانىن اتاپ ءوتتى.
«ماعان كونستيتۋتسيانىڭ ۇستەمدىگىن, ازاماتتارىمىزدىڭ قۇقىقتارىن قورعاۋدى قامتاماسىز ەتۋ ءۇشىن بارلىق كۇش-جىگەرىمدى جۇمساۋ مارتەبەسى بەرىلدى, جوسپارلار ۇلكەن, ەنەرگيا كوپ, جۇمىس ىستەيتىن بولامىز», دەدى قانات مۋسين.
ەكىنشى كانديدات - ەركىن وڭعارباەۆ.
«ەركىن ءانۋار ۇلى وڭعارباەۆ - بەلگىلى عالىم, زاڭ عىلىمدارىنىڭ دوكتورى, كونستيتۋتسيالىق رەفورما جونىندەگى جۇمىس توبىنىڭ مۇشەسى. قازىرگى ۋاقىتتا ەۋرازيا ۇلتتىق ۋنيۆەرسيتەتىنىڭ پرورەكتورى», دەدى ارمان قوجاحمەتوۆ.
قوجاحمەتوۆ ءۇشىنشى ۇمىتكەر سەرگەي ۋدارتسەۆ ەكەنىن ايتتى. ول ايگىلى عالىم, زاڭ عىلىمدارىنىڭ دوكتورى, كونستيتۋتسيالىق رەفورما جونىندەگى جۇمىس توبىنىڭ مۇشەسى, بۇرىن كونستيتۋتسيالىق سوتتىڭ سۋدياسى بولعان. قازىرگى ۋاقىتتا م.س.نارىكباەۆ اتىنداعى كازگيۋ ۋنيۆەرسيتەتىنىڭ عىلىمي-زەرتتەۋ ينستيتۋتىنىڭ ديرەكتورى.
تالقىلاۋ قورىتىندىسى بويىنشا دەپۋتاتتار كانديداتتاردى قولدادى.
