قازاقستان رەسپۋبليكاسى ۇكىمەتىنىڭ قاۋلىسى №511

2014 جىلعى 20 مامىر, استانا, ۇكىمەت ءۇيى جەكە كاسىپكەرلىك سۋبەكتىلەرىنىڭ ءتىزىلىمىن جۇرگىزۋ جانە پايدالانۋ قاعيدالارىن بەكىتۋ تۋرالى «جەكە كاسىپكەرلىك تۋرالى» 2006 جىلعى 31 قاڭتارداعى قازاقستان رەسپۋبليكاسىنىڭ زاڭى 14-بابىنىڭ 23-1) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان جەكە كاسىپكەرلىك سۋبەكتىلەرىنىڭ ءتىزىلىمىن جۇرگىزۋ جانە پايدالانۋ قاعيدالارى بەكىتىلسىن. 2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2014 جىلعى 20 مامىرداعى №511 قاۋلىسىمەن بەكىتىلگەن جەكە كاسىپكەرلىك سۋبەكتىلەرىنىڭ ءتىزىلىمىن جۇرگىزۋ جانە پايدالانۋ قاعيدالارى 1. جالپى ەرەجەلەر 1. وسى جەكە كاسىپكەرلىك سۋبەكتىلەرىنىڭ ءتىزىلىمىن جۇرگىزۋ جانە پايدالانۋ قاعيدالارى (بۇدان ءارى – قاعيدالار) «جەكە كاسىپكەرلىك تۋرالى» 2006 جىلعى 31 قاڭتارداعى قازاقستان رەسپۋبليكاسىنىڭ زاڭى (بۇدان ءارى – زاڭ) 14-بابىنىڭ 23-1) تارماقشاسىنا سايكەس ازىرلەندى جانە جەكە كاسىپكەرلىك سۋبەكتىلەرىنىڭ ءتىزىلىمىن جۇرگىزۋ جانە پايدالانۋ ءتارتىبىن ايقىندايدى. 2. وسى قاعيدالاردا مىناداي نەگىزگى ۇعىمدار پايدالانىلادى: 1) بيزنەس-سايكەستەندىرۋ ءنومىرى (بسن) – بۇل زاڭدى تۇلعا جانە قىزمەتىن بىرلەسكەن كاسىپكەرلىك تۇرىندە جۇزەگە اسىراتىن دارا كاسىپكەر ءۇشىن قالىپتاستىرىلاتىن بىرەگەي ءنومىر; 2) ءتىزىلىم – جەكە كاسىپكەرلىك سۋبەكتىلەرىنىڭ ءتىزىلىمى – بۇل جەكە كاسىپكەرلىك سۋبەكتىلەرىنىڭ ساناتتارى تۋرالى مالىمەتتەردى قامتيتىن ەلەكتروندىق دەرەكتەر بازاسى; 3) جەكە سايكەستەندىرۋ ءنومىرى (جسن) – بۇل جەكە تۇلعالار, ونىڭ ىشىندە قىزمەتىن وزىندىك كاسىپكەرلىك تۇرىندە جۇزەگە اسىراتىن دارا كاسىپكەر ءۇشىن قالىپتاستىرىلاتىن بىرەگەي ءنومىر; 4) «زاڭدى تۇلعالار» مەملەكەتتىك دەرەكقورى» اقپاراتتىق جۇيەسى (زت مدق) – بۇل بيزنەس-سايكەستەندىرۋ نومىرلەرىنىڭ ۇلتتىق ءتىزىلىمى, قۇرىلعان جانە قىزمەتىن توقتاتقان زاڭدى تۇلعالار (فيليالدار مەن وكىلدىكتەر), قىزمەتىن بىرلەسكەن كاسىپكەرلىك تۇرىندە جۇزەگە اسىراتىن دارا كاسىپكەرلەر تۋرالى مالىمەتتەردى ەسەپكە الۋعا جانە ساقتاۋعا, بەرىلگەن بيزنەس-سايكەستەندىرۋ نومىرلەرى تۋرالى مالىمەتتەردى قالىپتاستىرۋ جانە ساقتاۋعا ارنالعان اقپاراتتىق جۇيە; 5) ەلەكتروندىق تسيفرلىق قولتاڭبا (ەتسق) – بۇل ەلەكتروندىق تسيفرلىق قولتاڭبا قۇرالدارىمەن جاسالعان جانە ەلەكتروندىق قۇجاتتىڭ دۇرىستىعىن, ونىڭ تيەسىلىگىن جانە مازمۇنىنىڭ وزگەرمەيتىندىگىن راستايتىن ەلەكتروندىق تسيفرلىق نىشاندار تەرىمى; 6) قازاقستان رەسپۋبليكاسىنىڭ ۇلتتىق كۋالاندىرۋشى ورتالىعى (ۇكو) – ەلەكتروندىق تسيفرلىق قولتاڭبانىڭ اشىق كىلتىنىڭ ەلەكتروندىق تسيفرلىق قولتاڭبانىڭ جابىق كىلتىنە سايكەستىگىن كۋالاندىراتىن, سونداي-اق جەكە جانە زاڭدى تۇلعالارعا بەرىلەتىن تىركەۋ كۋالىگىنىڭ دۇرىستىعىن راستايتىن, «ەلەكتروندىق ۇكىمەتكە» قاتىسۋشىلارعا, مەملەكەتتىك جانە مەملەكەتتىك ەمەس اقپاراتتىق جۇيەلەرگە قىزمەت كورسەتەتىن كۋالاندىرۋشى ورتالىق; 7) «ە-ليتسەنزيالاۋ» مەملەكەتتىك دەرەكقورى» اقپاراتتىق جۇيەسى (ەل مدق اج) – ليتسەنزيالاردىڭ مەملەكەتتىك ەلەكتروندىق ءتىزىلىمى, بەرىلگەن, قايتا رەسىمدەلگەن, توقتاتىلا تۇرعان, جاڭارتىلعان جانە قولدانىلۋى توقتاتىلعان ليتسەنزيالار, سونداي-اق ليتسەنزيالاناتىن قىزمەت ءتۇرىن (كىشى ءتۇرىن) جۇزەگە اسىراتىن ليتسەنزياتتىڭ فيليالدارى, وكىلدىكتەرى (وبەكتىلەر, تارماقتار, ۋچاسكەلەر) تۋرالى مالىمەتتەردى قامتيتىن, ليتسەنزيارلار بەرەتىن ليتسەنزيالاردىڭ سايكەستەندىرۋ ءنومىرىن ورتالىقتاندىرىلعان تۇردە قالىپتاستىراتىن اقپاراتتىق جۇيە; 8) «ەلەكتروندىق ۇكىمەت» ءشليۋزى (ەۇش) – «ەلەكتروندىق ۇكىمەتتىڭ» اقپاراتتىق جۇيەلەرىن ەلەكتروندىق كورسەتىلەتىن قىزمەتتەردى ىسكە اسىرۋ شەڭبەرىندە ينتەگراتسيالاۋعا ارنالعان اقپاراتتىق جۇيە; 9) مەملەكەتتىك ورگانداردىڭ بىرىڭعاي كولىك جۇيەسى (مو بكج) – قازاقستان رەسپۋبليكاسى اۋماعىندا ورنالاسقان, ۆەدومستۆوارالىق اقپاراتتىق-كوممۋنيكاتسيالىق جەلىدەن تۇراتىن, باسقارۋشىلىق جانە ۇيىمداستىرۋشىلىق ماقساتتاردى ىسكە اسىرۋعا جانە ولاردىڭ اۋماقتىق بولىمشەلەرى مەن ۆەدومستۆولىق باعىنىستاعى ۇيىمدارىمەن قوسا, جەرگىلىكتى ءوزىن-ءوزى باسقارۋ ورگاندارىنىڭ, مەملەكەتتىك ورگانداردىڭ ءوزارا ءىس-قيمىل جاساۋىنا ارنالعان, سونداي-اق ەلەكتروندىق اقپاراتتىق رەسۋرستاردىڭ جانە «ەلەكتروندىق ۇكىمەتتىڭ» اقپاراتتىق جۇيەلەرىنىڭ ءوزارا ءىس-قيمىل جاساۋىن قامتاماسىز ەتۋگە ارنالعان تەلەكوممۋنيكاتسيالار جەلىسى. 3. جەكە كاسىپكەرلىك سۋبەكتىلەرىنىڭ ساناتىن ايقىنداۋ زاڭنىڭ 6-بابىندا كورسەتىلگەن كريتەريلەرگە جانە ولاردىڭ شەكتى ماندەرىنە سايكەس, سونداي-اق قازاقستان رەسپۋبليكاسىنىڭ ۇكىمەتى بەكىتەتىن جەكە كاسىپكەرلىك سۋبەكتىلەرى جۇمىسكەرلەرىنىڭ جىلدىق ورتاشا سانىن جانە جىلدىق ورتاشا تابىسىن ەسەپتەۋ قاعيدالارىنا سايكەس جۇزەگە اسىرىلادى. 4. جەكە كاسىپكەرلىك سۋبەكتىلەرى تۋرالى دەرەكتەر تىزىلىمدە اۆتوماتتاندىرىلعان رەجيمدە وڭدەلەدى جانە جىل سايىن 15 جەلتوقسانعا دەيىنگى مەرزىمدە جاڭارتىلىپ وتىرادى. 2. ءتىزىلىمدى جۇرگىزۋ 5. باستاپقىدا ءتىزىلىمدى قالىپتاستىرۋدى كاسىپكەرلىك جونىندەگى ۋاكىلەتتى ورگان مىنالاردىڭ اقپاراتتىق ءوزارا ءىس-قيمىل جاساۋى ارقىلى الىنعان اقپاراتتىڭ نەگىزىندە جۇزەگە اسىرادى: 1) قازاقستان رەسپۋبليكاسى قارجى مينيسترلىگىنىڭ سالىق كوميتەتى (بۇدان ءارى – سك) تىركەلگەن جەكە كاسىپكەرلىك سۋبەكتىلەرى تۋرالى مىناداي مالىمەتتەردى ۇسىنادى: جەكە كاسىپكەرلىك سۋبەكتىسىنىڭ بسن; جەكە كاسىپكەرلىك سۋبەكتىسىنىڭ جسن; وسى قاعيدالاردىڭ 6-تارماعىنا سايكەس جەكە كاسىپكەرلىك سۋبەكتىسىنىڭ سوڭعى ءۇش جىلعى تابىستارى تۋرالى دەرەكتەر; وسى قاعيدالاردىڭ 6-تارماعىنا سايكەس جەكە كاسىپكەرلىك سۋبەكتىلەرى جۇمىسكەرلەرىنىڭ سوڭعى ءبىر جىلعى سانى تۋرالى دەرەكتەرى; 2) اقپاراتتاندىرۋ سالاسىنداعى ۋاكىلەتتى مەملەكەتتىك ورگان مىناداي قىزمەت تۇرلەرى بويىنشا ليتسەنزيالار تۋرالى اقپارات الۋ ءۇشىن ەل مدق اج جۇمىس ىستەۋىن قامتاماسىز ەتەدى: ەسىرتكى قۇرالدارىنىڭ, پسيحوتروپتىق زاتتاردىڭ جانە پرەكۋرسورلاردىڭ اينالىمىنا بايلانىستى قىزمەت; اكتسيزدەلەتiن ءونiمدi ءوندiرۋ جانە (نەمەسە) كوتەرمە ساۋدادا وتكىزۋ; استىق قابىلداۋ پۋنكتتە­رiندە استىق ساقتاۋ جونiندەگi قىزمەت; لوتەرەيالار وتكiزۋ; ويىن بيزنەسى سالاسىنداعى قىزمەت; مۇناي, مۇناي ونiمدەرiن, گاز ءوندiرۋ, وڭدەۋ جانە وتكىزۋ, ەلەكتر جانە جىلۋ ەنەرگياسىن وتكىزۋ جونىندەگى قىزمەت; راديواكتيۆتi ماتەريالداردىڭ اينالىمىنا بايلانىستى قىزمەت; بانك قىزمەتى (نە بانك وپەراتسيالارىنىڭ جەكەلەگەن تۇرلەرى) جانە ساقتاندىرۋ نارىعىنداعى قىزمەت (ساقتاندىرۋ اگەنتiنiڭ قىزمەتiنەن باسقا); اۋديتورلىق قىزمەت; باعالى قاعازدار نارىعىنداعى كاسiبي قىزمەت; كرەديتتiك بيۋرولاردىڭ قىزمەتى; كۇزەت قىزمەتi; ازاماتتىق جانە قىزمەتتىك قارۋ مەن ونىڭ پاتروندارىنىڭ اينالىمىنا بايلانىستى قىزمەت; 3) زاڭدى تۇلعالاردى مەملەكەتتىك تىركەۋ سالاسىنداعى ۋاكىلەتتى ورگان وسى قاعيدالاردىڭ 11 جانە 15-تارماقتارىندا ايقىندالعان تارتىپپەن بارلىق تىركەلگەن جانە تاراتىلعان جەكە كاسىپكەرلىك سۋبەكتىلەرى تۋرالى, اتاپ ايتقاندا: زاڭدى تۇلعانىڭ بسن; زاڭدى تۇلعانىڭ اتاۋى; زاڭدى تۇلعانىڭ ۇيىمدىق-قۇقىقتىق نىسانى تۋرالى مالىمەتتەردى بەرەدى. 6. ءتىزىلىمدى ودان ءارى جۇرگىزۋ ءۇشىن سك جىل سايىن 15 قاراشاعا دەيىنگى مەرزىمدە كاسىپكەرلىك جونىندەگى ۋاكىلەتتى ورگانعا مىناداي اقپاراتتى ۇسىنادى: 1) الدىڭعى كۇنتىزبەلىك جىلعى جيىنتىق جىلدىق تابىس مولشەرى تۋرالى دەرەكتەر (ونىڭ ىشىندە ارناۋلى سالىق رەجيمى بويىنشا جۇمىس ىستەيتىن سۋبەكتىلەر بويىنشا); 2) جۇمىسكەرلەردىڭ الدىڭعى كۇنتىزبەلىك جىلعى سانى تۋرالى دەرەكتەر. كورسەتىلگەن اقپارات جەكە كاسىپكەرلىك سۋبەكتىلەرى سالىق زاڭناماسىنا سايكەس سالىق ورگاندارىنا ۇسىنعان سالىق ەسەپتىلىگىنىڭ دەرەكتەرى نەگىزىندە قالىپتاستىرىلادى. 7. تىزىلىمگە وزگەرىستەر ەنگىزۋ مىناداي جاعدايلاردا جۇزەگە اسىرىلادى: 1) وسى قاعيدالاردىڭ 9-تارماعىنا سايكەس سك اقپاراتىندا جىبەرىلگەن قاتەلىككە بايلانىستى جەكە كاسىپكەرلىك سۋبەكتىسىنىڭ ساناتتى وزگەرتۋ تۋرالى ءوتىنىشىن قاناعاتتاندىرۋ. بۇل رەتتە اقپاراتتاعى قاتەلىك سك-ءنىڭ كاسىپكەرلىك جونىندەگى ۋاكىلەتتى ورگانعا سالىق تولەۋشى ونى جىبەرگەنگە دەيىن ۇسىنعان سالىق ەسەپتىلىگىنىڭ دەرەكتەرىنە سايكەس كەلمەيتىن اقپاراتتى ۇسىنۋى بولىپ تابىلادى. ءتيىستى جىلدىڭ 15 قاراشاسىنان كەيىن قوسىمشا سالىق دەكلاراتسيالارىن ۇسىنۋعا بايلانىستى سالىق تولەۋشى جونىندەگى اقپاراتتىڭ وزگەرۋى قاتەلىك بولىپ تابىلمايدى; 2) سالىق تولەۋشىلەر كەلىسكەن نەمەسە دۇرىستىعىن سوت راستاعان سالىقتىق تەكسەرۋلەر ناتيجەلەرى بويىنشا وسى قاعيدالاردىڭ 6-تارماعىندا كورسەتىلگەن دەرەكتەردى وزگەرتۋ تۋرالى سك ءوتىنىشى. 8. جەكە كاسىپكەرلىك سۋبەكتىسىنىڭ ساناتى وسى قاعيدالاردىڭ 4-تارماعىندا بەلگىلەنگەن مەرزىمدە قايتا قارالادى جانە وسى قاعيدالاردىڭ 7-تارماعىندا كوزدەلگەن جاعدايلاردى قوسپاعاندا وزگەرتۋگە جاتپايدى. 9. وسى قاعيدالاردىڭ 7-تارماعىنا سايكەس وزگەرىستەر ەنگىزۋ مىناداي تارتىپپەن جۇزەگە اسىرىلادى: 1) جەكە كاسىپكەرلىك سۋبەكتىلەرى كاسىپكەرلىك جونىندەگى ۋاكىلەتتى ورگان الدىندا وزدەرىنىڭ ساناتىن زاڭسىز ايقىنداۋ تۋرالى ماسەلەگە جازباشا تۇردە, راستاۋشى قۇجاتتاردىڭ كوشىرمەلەرىن مىندەتتى تۇردە قوسا وتىرىپ, باستاماشىلىق جاسايدى; 2) كاسىپكەرلىك جونىندەگى ۋاكىلەتتى ورگان ەكى جۇمىس كۇنى ىشىندە بەرىلگەن وتىنىشتەردى سك قاراۋىنا جىبەرەدى; 3) سك بەرىلگەن وتىنىشتەردى نەگىزدىلىگى تۇرعىسىنان قارايدى جانە ون جۇمىس كۇنى ىشىندە كاسىپكەرلىك جونىندەگى ۋاكىلەتتى ورگانعا ءتيىستى جاۋابىن بەرەدى; 4) كاسىپكەرلىك جونىندەگى ۋاكىلەتتى ورگان: جەكە كاسىپكەرلىك سۋبەكتىسى ءوتىنىشىنىڭ نەگىزدىلىگى تۋرالى جاۋاپتى العان جاعدايدا, ءۇش جۇمىس كۇنى ىشىندە تىزىلىمگە ءتيىستى وزگەرىستەردى ەنگىزەدى جانە ساناتتى قايتا ەسەپتەۋدى جۇرگىزەدى; جەكە كاسىپكەرلىك سۋبەكتىلەرى ءوتىنىشىنىڭ نەگىزسىزدىگى تۋرالى جاۋاپتى العان جاعدايدا, تىزىلىمگە ءتيىستى وزگەرىستەر ەنگىزۋدەن باس تارتادى; سك-دەن قاتەلىكتى جەكە كاسىپكەرلىك سۋبەكتىسىنىڭ ءوزى سالىق ەسەپتىلىگىن سالىق ورگاندارىنا ۇسىنعان كەزدە جىبەرگەندىگى تۋرالى جاۋاپ العان جاعدايدا, تىزىلىمگە وسى قاعيدالاردىڭ 4-تارماعىنا سايكەس وزگەرىستەر ەنگىزەدى. 10. كاسىپكەرلىك جونىندەگى ۋاكىلەتتى ورگان ءوتىنىشتى قاراۋ ناتيجەلەرى تۋرالى جەكە كاسىپكەرلىك سۋبەكتىسىن جازباشا تۇردە حاباردار ەتەدى. جەكە كاسىپكەرلىك سۋبەكتىلەرىنىڭ وتىنىشتەرىن قاراۋدىڭ جالپى مەرزىمى ءوتىنىشتىڭ كاسىپكەرلىك جونىندەگى ۋاكىلەتتى ورگاندا تىركەلگەن ساتىنەن باستاپ 15 جۇمىس كۇنىن قۇرايدى. 11. اقپاراتتىق ءوزارا ءىس-قيمىل جاساۋ اقپاراتتاندىرۋ سالاسىنداعى ۋاكىلەتتى ورگانمەن كەلىسىلگەن, مەملەكەتتىك ورگاننىڭ جاۋاپتى باسشىلارى بەكىتكەن تەحنيكالىق تالاپتار نەگىزىندە ەۇش ارقىلى سەرۆەرارالىق رەسپۋبليكالىق دەڭگەيدە جۇزەگە اسىرىلادى. 12. اقپارات الماسۋ ۇكو بەرگەن ەتسق پايدالانۋ ارقىلى «سۇراق-جاۋاپ» رەجيمىندە ەلەكتروندىق حابارلامالار ارقىلى جۇزەگە اسىرىلادى. 13. ەلەكتروندىق حابارلامالار ورىستەرىنىڭ تۇرلەرى مەن قۇرامىن اقپارات الماسۋعا قاتىسۋشىلار تەحنيكالىق تالاپتاردا بەكىتەدى. 14. اقپارات الماسۋعا قاتىسۋشىلار اقپاراتتىق جۇيەلەر جۇمىسىنداعى تەحنولوگيالىق ۇزىلىستەردى قوسپاعاندا, ءوزارا ءىس-قيمىل جاساۋ سەرۆيستەرىنە تاۋلىك بويى قول جەتكىزۋگە رۇقسات بەرەدى. 15. اقپارات الماسۋ كەزىندە اقپاراتتىڭ قورعالۋى قورعالاتىن مو بكج پايدالانۋ ەسەبىنەن, سونىمەن بىرگە اۆتورلىقتى بەكىتۋ ەسەبىنەن (ەتسق قولدانۋ), قول قويىلعان XML حابارلامالار, سونداي-اق تەحنيكالىق جانە ۇيىمداستىرۋشىلىق سيپاتتاعى ءىس-شارالار ەسەبىنەن دە قامتاماسىز ەتىلەدى. 3. ءتىزىلىمدى پايدالانۋ 16. ءتىزىلىم كەز كەلگەن مۇددەلى تۇلعالار, ونىڭ ىشىندە مەملەكەتتىك ورگاندار ءۇشىن جەكە كاسىپكەرلىك سۋبەكتىلەرىنىڭ ساناتى تۋرالى دەرەكتەردىڭ نەگىزگى كوزى بولىپ تابىلادى. 17. مۇددەلى تۇلعالار ءۇشىن تىزىلىمدە ءاربىر جەكە كاسىپكەرلىك سۋبەكتىسى تۋرالى مىناداي اقپارات قولجەتىمدى بولادى: 1) زاڭدى تۇلعالار تۋرالى: بسن; اتاۋى; ۇيىمدىق-قۇقىقتىق نىسانى; ساناتى ء(ىرى, ورتا, شاعىن); وسى قاعيدالاردىڭ 5-تارماعىنىڭ 2) تارماقشاسىنا سايكەس قىزمەت ءتۇرى; 2) دارا كاسىپكەرلەر تۋرالى: جسن; دارا كاسىپكەردىڭ تەگى, اتى جانە بار بولعان جاعدايدا, اكەسىنىڭ اتى جانە (نەمەسە) اتاۋى; بىرلەسكەن كاسىپكەرلىك مارتەبەسىنىڭ بولۋى نەمەسە بولماۋى; ساناتى ء(ىرى, ورتا, شاعىن); وسى قاعيدالاردىڭ 5-تارماعىنىڭ 2) تارماقشاسىنا سايكەس قىزمەت ءتۇرى. 18. تىزىلىمدە جەكە كاسىپكەرلىك سۋبەكتىلەرىن ىزدەۋ: 1) بسن نەمەسە جسن; 2) زاڭدى تۇلعانىڭ اتاۋى جانە ۇيىمدىق-قۇقىقتىق نىسانى; 3) دارا كاسىپكەردىڭ تەگى, اتى جانە بار بولعان جاعدايدا, اكەسىنىڭ اتى جانە (نەمەسە) اتاۋى بويىنشا جۇزەگە اسىرىلادى. 19. جەكە كاسىپكەرلىك سۋبەكتىسىنىڭ ساناتى تۋرالى اقپارات ەتسق-مەن كۋالاندىرعان ەلەكتروندىق قۇجات نىسانىندا مۇددەلى تۇلعالارعا, ونىڭ ىشىندە مەملەكەتتىك ورگاندارعا جۇمىستا پايدالانۋ ءۇشىن بەرىلەدى.