قىزمەتكەرلەر جۇمىس بەرۋشىنىڭ قولدانىستاعى زاڭنامانى بۇزىپ, الداعى ۋاقىتتا جۇمىستان بوساتاتىنى تۋرالى مالىمدەگەن.
ء«بىزدىڭ باسقارمانىڭ ينسپەكتورلارى «Kazakhstan Petrochemical Industries Inc» (كرى) جشس زاۋىتى قىزمەتكەرلەرىنەن تۇسكەن وتىنىشتەر نەگىزىندە جوسپاردان تىس تەكسەرۋ جۇرگىزەدى. ينسپەكتورلار تەكسەرۋ كەزىندە ارىزدانۋشىلاردىڭ بارلىق دالەلىن زەردەلەيدى», دەپ اقپارات تاراتتى وبلىستىق باسقارمادان.
بۇل – مەملەكەت باسشىسى اتىراۋعا كەلگەن ساپارىندا ىسكە قوسقان گاز-حيميا كەشەنى. ونىڭ قۇرىلىسىنا 4 300 ادام جۇمىسقا تارتىلعان. كەشەن تولىق ىسكە قوسىلعاندا 631 ادام تۇراقتى جۇمىسپەن قامتىلادى. «تەڭىز» كەن ورنىندا وندىرىلەتىن شيكىزاتتى وڭدەۋگە باعىتتالعان كەشەن جىلىنا 500 مىڭ توننا پوليپروپيلەن شىعارادى.
الايدا ينجەنەر نينا كراسيلنيكوۆانىڭ الەۋمەتتىك جەلىدەگى جازباسىنا قاراعاندا, «KPI» جشس-دا ينجەنەرلەردەن باستاپ دەپارتامەنت ديرەكتورلارىنا, زاۋىتتىڭ باس ينجەنەرىنە دەيىنگى قىزمەتكەرلەردى جاپپاي جۇمىستان بوساتۋ ءجۇرىپ جاتىر.
«جۇمىستان بوساتىلعان قىزمەتكەرلەردىڭ مول وندىرىستىك تاجىريبەسى بار. ولار وسى زاۋىتتىڭ قۇرىلىسى مەن ىسكە قوسىلۋىنا ايتارلىقتاي ۇلەس قوستى. ولاردىڭ جوعارى بىلىكتى مامان ەكەنى كۇمان كەلتىرمەيدى. جۇمىستان بوساتىلعان بارلىق قىزمەتكەر – اتىراۋ وبلىسىنىڭ تۋمالارى. بارلىق قىزمەتكەرگە قۇرىلىمدى قايتا ۇيىمداستىرۋعا بايلانىستى اتقاراتىن لاۋازىمدارىن قىسقارتۋ تۋرالى حابارلاما بەرىلدى. كومپانيا باسشىلىعى وسى ماسەلەگە قاتىستى الاڭداۋعا ەشقانداي سەبەپ جوق ەكەنىن, بۇل ەڭبەك كودەكسىنە قايشى كەلمەيتىنىن جاريالادى. وسىلايشا, 60-قا جۋىق جوعارى بىلىكتى قىزمەتكەر قىسقارتۋعا ۇشىرادى», دەپ جازدى نينا كراسيلنيكوۆا.
