مۇنداي نورما «قازاقستان رەسپۋبليكاسىنىڭ تۇڭعىش پرەزيدەنتى – ەلباسى تۋرالى» قازاقستان رەسپۋبليكاسى كونستيتۋتسيالىق زاڭىنىڭ كۇشى جويىلدى دەپ تانۋ تۋرالى» زاڭ جوباسىندا قامتىلعان.
ونى ءماجىلىستىڭ زاڭناما جانە سوت-قۇقىقتىق رەفورما كوميتەتىنىڭ توراعاسى ارمان قوجاحمەتوۆ تانىستىردى. ول بۇل جوبا رەفەرەندۋمدا قابىلدانعان كونستيتۋتسياعا ەنگىزىلگەن تۇزەتۋلەردى ورىنداۋ ماقساتىندا ازىرلەنگەنىن مالىمدەدى.
«بۇل زاڭ جوباسى رەسپۋبليكالىق رەفەرەندۋم قورىتىندىسى بويىنشا ەل كونستيتۋتسياسىنا ەنگىزىلگەن وزگەرىستەردى ىسكە اسىرۋ ماقساتىندا ازىرلەندى. اتاپ ايتقاندا, 2022 جىلعى 8 ماۋسىمداعى زاڭمەن كونستيتۋتسياعا ەنگىزىلگەن تۇزەتۋلەرگە سايكەس 46-باپتىڭ 4-تارماعى الىنىپ تاستالدى. وسىعان بايلانىستى, زاڭ جوباسىندا كونستيتۋتسيالىق زاڭنىڭ كۇشىن جوعالتۋ كوزدەلەدى. زاڭ جوباسىن جۇمىسقا قابىلداۋدى ۇسىنامىن, قولداۋىڭىزدى سۇرايمىن», دەدى ارمان قوجاحمەتوۆ وتىرىس بارىسىندا.
