ونىڭ ايتۋىنشا, جاڭا جىلدىق مەرەكەلەر قارساڭىندا ەلىمىزدە «پيروتەحنيكا» جەدەل-الدىن الۋ ءىس-شاراسى وتكىزىلەدى. ونىڭ ماقساتى - بازارلاردا سەرتيفيكاتتالماعان پيروتەحنيكالىق بۇيىمداردى ساتۋ فاكتىلەرىن انىقتاۋ جانە ولاردىڭ جولىن كەسۋ.
«26 جەلتوقساندا رەسپۋبليكا بويىنشا قۇرىلعان ءموبيلدى توپتار بازارلاردى, دۇكەندەردى جانە باسقا ساۋدا ورىندارىن, سونداي-اق پيروتەحنيكالىق بۇيىمداردى تاسىمالداۋدىڭ زاڭدىلىعىن تەكسەرۋ بويىنشا 400-گە جۋىق رەيدتىك ءىس-شارالار وتكىزدى. ناتيجەسىندە قر اقبتك-ءنىڭ 196-بابى بويىنشا «تاۋارلارمەن نەمەسە وزگە دە زاتتارمەن زاڭسىز ساۋدا جاساۋ» بويىنشا پيروتەحنيكالىق بۇيىمداردى زاڭسىز وتكىزۋدىڭ 75 فاكتىسى انىقتالدى. باپتىڭ سانكتسياسىندا 25 اەك نەمەسە 76 575 تەڭگە مولشەرىندە ايىپپۇل قاراستىرىلعان. بۇزۋشىلاردان 1850 دانادان استام سەرتيفيكاتتالماعان پيروتەحنيكالىق ءونىم تاركىلەندى», دەدى ءامىرجان بايعوشەۆ.
ماسەلەن, ەلوردالىق ساۋدا ۇيلەرىنىڭ ءبىرىنىڭ ىرگەلەس اۋماعىندا پيروتەحنيكالىق بۇيىمداردى زاڭسىز ساتۋ فاكتىسى انىقتالىپ, 97 دانا زاڭسىز ءونىم تاركىلەندى. ساتۋشىعا قاتىستى 196-باپ بويىنشا اكىمشىلىك حاتتاما جاسالىپ, ايىپپۇل سالىندى.
