تۇركىتىلدەس مەملەكەتتەردىڭ ينتەگراتسيالىق ۇدەرىسىن دامىتۋ كەرەك

استانا. 6 ماۋسىم. تۇركىتىلدەس مەملەكەتتەردىڭ ينتەگراتسيالىق ۇدەرىسى ەۋرازيالىق ەكونوميكالىق وداقتىڭ مۇددەسىنە قايشى ەمەس. تۇركىتىلدەس ەلدەر ىنتىماقتاستىعى 4-ءسامميتىنىڭ سوڭىندا پرەزيدەنت نۇرسۇلتان نازارباەۆ وسىلاي دەپ مالىمدەدى. بۇل تۋرالى «قازاقپارات» حابارلادى. مەملەكەت باسشىسىنىڭ ايتۋىنشا, تۇركىتىلدەس مەملەكەتتەردىڭ ينتەگراتسيالىق ۇدەرىستەرىن دامىتۋ قاجەت. ول كەدەن وداعى مەن ەۋرازيالىق ەكونوميكالىق وداق مۇددەسىنە ەش قايشى كەلمەيدى. ويتكەنى, ەۋرازيالىق ەكونوميكالىق وداق ساياسي رەڭكى جوق ەكونوميكالىق ءوزارا بايلانىس. سونىمەن قاتار پرەزيدەنت قازاقستان مەن تۇركيا اراسىنداعى تاۋار اينالىمىنىڭ كولەمى 4 ملرد. دوللارعا جەتكەنىنە, بۇل كورسەتكىشتى ۇلعايتا تۇسۋگە مۇمكىندىك كوپ ەكەنىنە نازار اۋداردى. سونداي-اق, ول كەلەسى جىلى ەلىمىزگە گرۋزيا ارقىلى تۇركياعا شىعۋعا مۇمكىندىك بەرەتىن تەمىر جول قۇرىلىسىنىڭ اياقتالاتىندىعىن, ۇلى جىبەك جولىنىڭ قايتا جاڭعىرۋى جانە كولىك ينفراقۇرىلىمىنىڭ قۇرىلۋى ناتيجەسىندە تۇركيانىڭ قازاقستان ارقىلى قىتايعا شىعۋعا مۇمكىندىك العانىن جەتكىزدى. جولدىباي بازار. دەرەككوز: «قازاقپارات». فوتو: Elarna.com.