استانادا «جان-جۇرەگىم, استانا!» ونەر بۇيىمدارى كورمەسى وتەدى

10 ماۋسىم ساعات 11.00-13:00 ارالاعىندا استاناداعى وقۋشىلار سارايىنىڭ گالەرەيا الاڭىندا «جان-جۇرەگىم استانا!» كورمەسى وتەدى. شارانىڭ نەگىزگى ماقساتى بالاردىڭ بويىنا رۋحاني قۇندىلىقتار مەن مەيىرىمدىلىك, وتانسۇيگىشتىك, بەلسەندىلىك قاسيەتتەرىن ءسىڭىرىپ, ءزارۋ جاندارعا قول ۇشىن سوزۋعا تاربيەلەۋ, اسىرەسە بالالار ءۇيى تاربيەلەنۋشىلەرىنە قايىرىمدىلىق كومەك كورسەتۋ. بالالار ءوز سۋرەتتەرىندە جاس استانانىڭ كوركەم كەلبەتىن بەينەلەيتىن بولادى. قورىتىندىسىنا سايكەس, 200-دەن استام بالالار العىس حاتتارمەن جانە باعالى سىيلىقتارمەن ماراپاتتالادى. ال سالىنعان سۋرەتتەر مەن بۇيىمدار الەۋمەتتىك مەكەمەلەرگە(بالالار ءۇيى, اۋرۋحانالار, قارتتار ءۇيى) تارتۋ ەتىلەدى. 5 ماۋسىم وقۋشىلار سارايىنىڭ ءباسپاسوز-ورتالىعىندا كىشكەنتاي تىلشىلەر «Facebook» الەۋمەتتىك جەلىسى ارقىلى كورمە وتەتىنى تۋرالى حابارلايدى. وندا بالالار تەك دايىن جۇمىستارىن كورسەتۋمەن قاتار, جاڭا ونەر تۋىندىلارىن جاساۋعا قاتىسا الادى. كورمەگە بەينەلەۋ ونەرى, ساندىك-قولدانبالى شىعارماشىلىق, زاماناۋي ديزاين ۇيىرمەلەرىنىڭ تالىمگەرلەرىنىڭ جۇمىستارى قويىلادى. جانى مەيىرىمگە تولى بالالاردىڭ قولىنان شىققان نازىك تە اسەم تۋىندىلار قاتىسۋشىلاردىڭ بىرىنە ەرەكشە اسەر سىيلاسا, بىرىنە بالالار شىعارماشىلىعى الەمىنە جول اشپاق. دانيار الان.