«2021 جىلعى قىركۇيەك - 2022 جىلعى ماۋسىم جانە 2022 جىلعى شىلدە-قىركۇيەك كەزەڭدەرىندە قولدانىستا بولعان كۆوتالار اياقتالدى. بۇل رەتتە كۆوتالاردىڭ مولشەرى كۇنباعىس ءوندىرىسى مەن تۇتىنۋ تەڭگەرىمى نەگىزىندە بەلگىلەندى. كۇنباعىستىڭ نەگىزگى كولەمى ەگىن جيناعاننان كەيىن جەلتوقساننان قاڭتارعا دەيىن ەكسپورتتالعانى ەسكەرىلدى. الدىڭعى جىلدارداعى كۆوتالاردىڭ ەڭ ۇلكەن كولەمى ءدال وسى ايلاردا بەلگىلەندى. 2022 جىلعى قاڭتار-قىركۇيەكتە كۆوتالاردىڭ قولدانىلۋ كەزەڭىندە كۇنباعىس تۇقىمدارىنىڭ ەكسپورتى بارلىعى 133,9 مىڭ توننانى قۇرادى, ال 2021 جىلعى ۇقساس كەزەڭدە كۆوتالاردىڭ قولدانىسىنسىز – 113,3 مىڭ توننا بولدى», دەلىنگەن اۋىل شارۋاشىلىعى مينيسترلىگى ءباسپاسوز قىزمەتىنىڭ حابارلاماسىندا.
وسىلايشا, كۆوتالاردى ەنگىزۋ ەكسپورتتاۋشىلارعا كۇنباعىس كولەمىن وتكەن جىلدار كولەمىنەن اسپايتىن دەڭگەيدە اكەتۋگە مۇمكىندىك بەردى, ال مەملەكەتكە - كۇنباعىس تۇقىمىنا دەگەن سۇرانىس پەن الەمدىك باعانىڭ جوعارى بولۋىنا بايلانىستى كۇنباعىس مايى مەن قۇس جەمىنە ارنالعان جەم-ءشوپ جانە كۇنباعىس كۇنجاراسى تۇرىندەگى (كۇنباعىس وڭدەۋ كەزىندەگى قايتالاما ءونىم) ءوندىرىستىڭ ىشكى نارىعى وتاندىق شيكىزاتسىز قالاتىن جاعدايعا جول بەرمەۋگە مۇمكىندىك بەردى.
قازىر ءبىز كۇنباعىس ەكسپورتىنا بۇرىن ەنگىزىلگەن شەكتەۋلەردىڭ وڭ ناتيجەسىن كورىپ وتىرمىز. 2022 جىلدىڭ 11 ايىندا كۇنباعىس مايى ءوندىرىسى 2021 جىلدىڭ سايكەس كەزەڭىمەن سالىستىرعاندا 66,6% - عا ءوستى. ەكسپورت 204,8 مىڭ توننانى قۇرادى, بۇل 2021 جىلدىڭ سايكەس كەزەڭىنەن 2,5 ەسە كوپ (79,9 مىڭ توننا). سونىمەن قاتار, 2021 جىلى قايتا وڭدەۋ قۋاتى 594 مىڭ توننا بولاتىن 3 جاڭا زاۋىت ىسكە قوسىلدى. قازىرگى ۋاقىتتا كۇنباعىس وڭدەيتىن 47 كاسىپورىننىڭ جالپى قۋاتتىلىعى 2,8 ملن توننانى قۇرايدى.
ەلىمىزدىڭ سىرتقى ساۋدا اعىندارىن رەتتەۋ, ونىڭ ىشىندە شيكىزات پەن باسقا دا تاۋارلاردىڭ ەكسپورتىنا شەكتەۋلەردى ەنگىزۋ جانە جويۋ جونىندەگى شەشىمدەر سىرتقى ساۋدا ساياساتى جانە حالىقارالىق ەكونوميكالىق ۇيىمدارعا (حەۇ) قاتىسۋ ماسەلەلەرى جونىندەگى ۆەدومستۆوارالىق كوميسسيانىڭ وتىرىستارىندا قابىلدانادى. ەكسپورتتىق باج سالىعىن ەنگىزۋدىڭ بارلىق اسپەكتىلەرى 2022 جىلى تالقىلاندى, قازاقستاندا وسىمدىك مايى ءوندىرىسىنىڭ قازىرگى جانە پەرسپەكتيۆالىق ءوسۋىن, ونى ىشكى نارىقتا تۇتىنۋدى, ماي مەن شيكىزاتقا الەمدىك باعانى, كۇنباعىس تۇقىمى يمپورتىنىڭ كولەمىن جانە ت.ب. ەسكەرە وتىرىپ, بيىلعى جىلى ناقتى قابىلدانعان كۆوتالار باجداردىڭ ورنىنا ەنگىزىلدى.
قازىر 2023 جىلدىڭ باسىنان باستاپ جوسپارلانعان كۇنباعىس ەكسپورتىنا ەكسپورتتىق باجدى قولدانىسقا ەنگىزۋ تۋرالى بۇيرىقتىڭ جوباسى اشىق نقا پورتالىندا جاريا تالقىلاۋدا جانە ەكسپورت كولەمىنە شەكتەۋلەر كوزدەمەيدى.
بۇدان باسقا, ەكسپورتتىق باج قولدانىسقا ەنگىزىلگەنگە دەيىن وتاندىق كۇنباعىس مايىن وندىرۋشىلەرمەن باعانى تۇراقتاندىرۋ تۋرالى مەموراندۋمدار جاسالادى. وندا زاۋىتتان بوساتۋ باعاسى ليترىنە 750 تەڭگەنى قۇرايدى.
