«بەكىرە-2014» اكتسياسى اياقتالدى

جايىق – كاسپي باسسەينى سۋ ايدىندارىندا قورشاعان ورتانى قورعاۋ جانە سۋ رەسۋرستارى, ىشكى ىستەر, كولىك جانە كوممۋنيكاتسيا مينيسترلىكتەرى مەن ۇلتتىق قاۋىپسىزدىك كوميتەتىنىڭ بىرلەسكەن بۇيرىعى شەڭبەرىندە «بەكىرە-2014» كەڭ اۋقىمدى بالىق قورعاۋ اكتسياسى اياقتالدى. «بەكىرە-2014» اكتسياسىنىڭ ەكى اي جۇرگىزىلگەن جۇمىسى ناتيجەسىندە 1120 تابيعات قورعاۋ زاڭناماسىن بۇزۋ فاكتىلەرى انىقتالدى, زاڭسىز اۋلاعانى ءۇشىن 987 بۇزۋشىلىق, كەمەلەردىڭ ءجۇزۋ رەجىمىن بۇزعانى ءۇشىن 17 ايعاق جانە بالىق رەسۋرستارىن زاڭسىز تاسىمالداعانى ءۇشىن 67 جانە زاڭسىز بالىق وتكىزگەنى ءۇشىن 20 فاكت انىقتالدى. اكىمشىلىك جاۋاپكەرشىلىككە 899 ادام تارتىلدى ونىڭ ىشىندە 120 ادام سوتتىق تارتىپپەن جىبەرىلدى. اكتسيانىڭ وتكىزىلۋى بارىسىندا 140 قىلمىستىق ءىس قوزعالىپ ونىڭ ىشىندە 51 ءىس سوت ورگاندارىنا جولداندى, قاراۋدىڭ ناتيجەسىندە 39 ادام سوت جانە باسقا دا ءتۇرلى جاۋاپكەرشىلىككە تارتىلدى. بالىق قورعاۋ زاڭناماسىن بۇزۋشىلارعا 5,8 ملن. تەڭگە سوماسىنا ايىپپۇل سالىندى, بالىق قورىنا كەلتىرىلگەن زالال مولشەرى 6,8 ملن. تەڭگەنى قۇرايدى. قۇقىق بۇزۋشىلاردان 27 توننا بالىق, ونىڭ ىشىندە بەكىرە بالىق تۇرلەرىنىڭ ءبىر توننا سالماقتى, 17,8 قارا ۋىلدىرىق, 1200 بىرلىك اۋلاۋ قۇرالى جانە 176 ءجۇزۋ قۇرالدارى تاركىلەندى. اعىمداعى جىلى «بەكىرە-2014» بالىق قورعاۋ اكتسياسى قارقىندى تۇردە وتكىزىلدى, الداعى ۋاقىتتا دا جالعاسىن تاباتىن بولادى. «ەگەمەن-اقپارات».