تۇندە ساعات 03.30 - 04.00 شاماسىندا «وسكەمەن-التاي-كاتونقاراعاي-راحمانوۆ كىلتتەرى» رەسپۋبليكالىق ماڭىزى بار اۆتوجولىنىڭ 62-63 شاقىرىمدارىندا قار كوشكىنى وزدىگىنەن ءتۇستى. وسىعان بايلانىستى, ۋشانوۆ اۋىلىنان التاي قالاسىنا دەيىنگى ۋچاسكەدە اۆتوكولىكتىڭ بارلىق ءتۇرى ءۇشىن قوزعالىس شەكتەلدى. جولشىلار دەرەۋ قار تازالاۋ جۇمىستارىنا كىرىستى. قىسقى كۇتىپ-ۇستاۋ جۇمىستارى ءالى دە جالعاسۋدا. جۇمىستار تاۋلىك بويى كۇشەيتىلگەن رەجيمدە جۇرگىزىلۋدە. ماسەلەن, قازىر شقو اۋماعىندا 90 بىرلىك ارنايى تەحنيكا مەن 130 جولشى مامان ەڭبەكتەنۋدە.
سونىمەن قاتار جولشىلار قار قۇرساۋىندا قالعان جۇرگىزۋشىلەرگە كومەك كورسەتىپ جاتىر. ماسەلەن, كۇندەلىكتى پاترۋلدەۋ اياسىندا جولشىلار «وسكەمەن-التاي-كاتونقاراعاي-راحمانوۆ كىلتتەرى» رەسپۋبليكالىق ماڭىزى بار اۆتوموبيل جولىنىڭ 54 شاقىرىمىندا بۇزىلىپ, جولدا قالىپ قويعان جەڭىل كولىكتى تاپتى. جولشىلار بۇل كولىكتى سەۆەرنوە اۋىلىندا ورنالاسقان جىلى بوكسقا سۇيرەپ اپارىپ, كولىك جۇرگىزۋشىسىنە كولىكتى جوندەۋگە كومەكتەستى.
