153 تۇلەك رەسەيدە وقيدى

ەۋرازيالىق ەكونوميكالىق وداق شەڭبەرىندە تالاي دۇنيەنى ىسكە اسىرۋعا بولادى. بۇل تەك ساۋدا-ساتتىق جاساپ, تاۋارلارىڭدى سىرتقا شىعارىپ, پايدا تابۋ عانا ەمەس. سونىمەن قاتار, ءبىلىم جەتىلدىرىپ, تاجىريبە الماسىپ, وزىق دۇنيەلەرىن يگەرىپ, ءوز ومىرىمىزگە دەندەپ ەنگىزىپ, دامۋدىڭ داڭعىلىن كەڭەيتۋ بولسا كەرەك. وسى تۇرعىدان العاندا قىزىلوردا وبلىسى العاشقى جۇمىستاردى باستاپ كەتتى. سەبەبى, قىزىلوردالىق 153 تۇلەك ماسكەۋدە ءبىلىم العالى جاتىر. قىزىلورداعا ماسكەۋ ۇلتتىق تەحنو­لوگيالىق زەرتتەۋ ۋنيۆەرسيتەتىنەن ار­نايى كوميسسيا كەلىپ, 643 مەكتەپ بىتىرۋشىدەن ەمتيحان قابىلدادى. ايتا كەتەيىك, وبلىس اكىمى قىرىمبەك كوشەرباەۆتىڭ باستاماسىمەن اتالعان وقۋ ورنىمەن بۇعان دەيىن ارىپتەستىك بايلانىس ورناتىلعان. سىناقتى ءساتتى تاپسىرعان 153 وقۋشى رەسەيلىكتەر تاعايىنداعان گرانتتاردى يەلەندى. جەرلەستەرىمىزدىڭ باسىم بولىگى مەتاللۋرگيا, نانوتەحنولوگيا سەكىلدى ماماندىقتاردى تاڭداپ وتىر. بۇل دا سەبەپسىز ەمەس. ويتكەنى, ايماقتا مەتاللۋرگيا سالاسىن دامىتۋ قولعا الىنىپ جاتقانى بەلگىلى. ال اتالعان سالانى دامىتۋ ءۇشىن ماماندار قاجەت. ارينە, ماماندى سىرتتان شاقىرۋعا دا بولار ەدى. بىراق ءوز بالاڭدى وقىتىپ, ودان مىقتى جاساپ, ەل يگىلىگىنە جۇمساعاننىڭ راحاتى دا بولەك قوي. مىنە, بۇگىن وقۋعا تۇسكەن بالالار ءتورت جىلدان سوڭ قىزىلوردا وبلىسىنداعى مەتاللۋرگيا سالاسىن جانداندىرۋعا جىگەرلەنە كىرىسەتىن بولادى. ال وعان دەيىن ولار گەرمانيا, اقش, فرانتسيا مەملەكەتتەرىندە ءىس-تاجىريبەدەن ءوتىپ كەلمەك. ەرجان بايتىلەس, «ەگەمەن قازاقستان». قىزىلوردا.