قازاقستان • 08 جەلتوقسان، 2022

«قازاقستان تەمىر جولى» تۇبەگەيلى رەفورمالارعا مۇقتاج - سەناتور

57 رەت كورسەتىلدى

سەناتور باۋىرجان قانيەۆ ەلىمىزدىڭ تەمىرجول سالاسىن رەفورمالاۋ قاجەت دەپ سانايدى. دەپۋتات پرەمەر-ءمينيستردىڭ اتىنا جولداعان دەپۋتاتتىق ساۋالىندا ەلىمىزدەگى تەمىرجولدىڭ پروبلەمالارىن ايتىپ، ولاردى شەشۋ جولدارىن ۇسىندى، دەپ حابارلايدى Egemen.kz.

سەناتوردىڭ ايتۋىنشا، بۇگىنگى تاڭدا «جولاۋشىلار تاسىمالى» اق جىلجىمالى قۇرام پاركىندە 2 228 ۆاگون بار، ولاردىڭ 35%-ىنىڭ پايدالانۋعا بەرىلگەنىنە 28 جىلدان اسىپ كەتكەن. تالگو ۆاگوندارىن ەسەپتەمەگەندە جولاۋشىلار ۆاگوندارى ورتاشا ەسەپپەن 63%-عا، ال لوكوموتيۆتەر 67%-عا توزعان.

سەناتور ءوزىنىڭ دەپۋتاتتىق ساۋالىندا ىشكى جۇك تاسىمالىنىڭ قىمباتتىعى ماسەلەسىن دە كوتەردى. ول تاۋارلاردىڭ تۇپكى قۇنىن ارتتىرۋعا ىقپال ەتەدى. ماسەلەنىڭ ءمانى مىنادا: «قتج» اق مەنشىگىندە بارلىعى 170 تيەۋ-ءتۇسىرۋ تۇيىقتارى بار، ال ولاردىڭ جەكە مەنشىكتەگى سانى 3 600-دەن اسادى. سەناتوردىڭ پىكىرىنشە، ول جەردەگى تاريفتەردىڭ باقىلاۋسىزدىعى مەن الىپساتارلىق ارەكەتتەر تەمىرجول جۇكتەرى باعاسىنىڭ ايتارلىقتاي قىمباتتاۋىنا اكەلىپ وتىر.

«تەمىر جول تاسىمالىنىڭ الەۋمەتتىك-ەكونوميكالىق ماڭىزى مەن ترانزيتتىك الەۋەتىن ەسكەرە كەلگەندە «قازاقستان تەمىر جولى» اق تۇبەگەيلى رەفورمالاردى قاجەت ەتەدى. وسى ماسەلەلەردى شەشۋدى، ەڭ الدىمەن، سالانىڭ تاجىريبەلى ماماندارىن باسشىلىق لاۋازىمدارعا تاعايىنداۋدان باستاعان ءجون دەپ سانايمىز. ەلىمىزدە مەملەكەتتىك اكتيۆتەردى جەكەشەلەندىرۋ سالدارىنان بولعان جاعىمسىز جاعدايلاردى ەسكەرە وتىرىپ، جەكەشەلەندىرىلگەن تۇيىقتاردى، باگاج بولىمشەلەرىن «قازاقستان تەمىر جولى» اق مەنشىگىنە قايتارۋ قاجەت»، دەدى دەپۋتات.

سوڭعى جاڭالىقتار

يزرايلدە جەر سىلكىندى

الەم • بۇگىن، 10:03

ۇمىتكەرلەردى تىركەۋ باستالدى

سايلاۋ • بۇگىن، 08:58

دوستىق جانە مەملەكەتتىك مۇددە

قازاقستان • بۇگىن، 08:45

ينۆەستيتسيا كولەمى ازايعان

ينۆەستيتسيا • بۇگىن، 08:40

ۇزدىكتەر قاتارىندا

ماراپات • بۇگىن، 08:35

جامپوز

قازاقستان • بۇگىن، 08:25

جەدەل جەلى قوسىلدى

الەم • بۇگىن، 00:28

«ساۋلەڭ بولسا كەۋدەڭدە...»

پىكىر • بۇگىن، 00:21

ۇقساس جاڭالىقتار