تاراپتار كەزدەسۋ بارىسىندا ەكىجاقتى ىنتىماقتاستىق دەڭگەيىن جوعارى باعالادى جانە حالىقارالىق كۇن تارتىبىندەگى نەگىزگى ماسەلەلەرگە ورتاق كوزقاراستار مەن حالىقارالىق ۇيىمدار اياسىندا ءوزارا ناتيجەلى ءىس-قيمىل بار ەكەنىن اتاپ ءوتتى.
«قازاقستان دەپۋتاتتارى ليتۆا پارلامەنتشىلەرىمەن ەكىجاقتى, سونداي-اق كوپجاقتى نەگىزدەردە, ونىڭ ىشىندە ەقىۇ پارلامەنتتىك اسسامبلەياسى مەن پارلامەنتارالىق وداق اياسىنداعى بايلانىستاردى دامىتۋعا مۇددەلى بولىپ وتىر. ءبىز ەكىجاقتى ءوزارا ءتيىمدى ىنتىماقتاستىقتى ودان ءارى دامىتۋعا جاردەمدەسۋگە دايىنبىز. ترانزيت-كولىك سالاسى – وسى ىنتىماقتاستىقتاعى ماڭىزدى باعىتتارىنىڭ ءبىرى بولىپ تابىلادى. بۇل تۇرعىدا سىزدەردىڭ ەلدەرىڭىز قازاقستاندىق تاۋارلاردى ىلگەرىلەتۋ ءۇشىن ەرەكشە ىقىلاس تۋعىزادى», دەدى اسقار شاكىروۆ.
مەملەكەت باسشىسى قاسىم-جومارت توقاەۆتىڭ ەلدى ودان ءارى دەموكراتيالاندىرۋعا جانە ازاماتتاردىڭ مەملەكەتتى باسقارۋعا قاتىسۋىن كەڭەيتۋگە باعىتتالعان اۋقىمدى ساياسي جاڭعىرتۋ باعدارلاماسى تۋرالى شەتەلدىك ديپلومات حاباردار ەتىلدى.
گابريەليۋس لاندسبەرگيس قازاقستاندا جۇرگىزىلىپ جاتقان ستراتەگيالىق رەفورمالاردى جوعارى باعالادى جانە ليتۆانىڭ جان-جاقتى ىنتىماقتاستىقتى, ونىڭ ىشىندە پارلامەنتارالىق بايلانىستاردى ودان ءارى دامىتۋعا ءازىر ەكەنىن جەتكىزدى.
