قوعام • 07 جەلتوقسان، 2022

قۇمار ويىننىڭ قۇرباندارى

103 رەت كورسەتىلدى

قۇمار ويىن بيزنەسىن ۇيىمداستىرۋشىلاردىڭ قالتاسى قامپيعانىمەن، قۇمار ويىنشىلاردىڭ تاعدىرى بۇزىلعانى الاڭداتادى. ء«بىر كورەيىنشى» دەپ باستاپ، بارىنان ايىرىلعانشا ءباس تىگەتىن ادام قانشاما؟! جەڭىل اقشاعا اۋەس بولىپ، ميلليونداردى جەلگە ۇشىرادى. ءوزىن عانا ەمەس، وتباسىن دا شىرىلداتىپ، شىعىنعا باتىرىپ وينايتىن قۇمارلىق – شىنىندا دا اۋرۋدىڭ اسقىنعان ءتۇرى.

سپورتتىق ويىندارعا ءباس تىگۋگە، كازينو، ويىن اۆتوماتتارىمەن ۇتىس ويناۋعا دەگەن قىزىعۋشىلىق وتە جوعارى. ەستى­گەنى مەن كورگەنىنە ەرىپ كەتەتىندەر قۇمار ويىننىڭ قاۋىپتى ەكەنىن بىلسە دە ء«بىر-اق رەت ويناپ كورەمىن»، دەپ تاۋەلدى بولىپ قالادى. تاۋەلدىلىكتىڭ سوڭى ادامدى قۇردىمعا كەتىرىپ، قارىزعا بەلشەدەن باتىرىپ جاتىر. قۇمار ويىننىڭ قىزى­عىنان شىعا الماي، اقىرىندا قۇنىن ءوز ومىرىمەن وتەۋگە دەيىن بارادى. پسيحو­لوگتەر «قۇمار ويىنشىلار ولىمگە دەيىن يتەرمەلەيتىن دەڭگەيگە جەتىپ قالعانىن وزدەرى بايقاماي قالادى»، دەيدى.

«قۇمار ويىنعا قارجىلىق جاعىنان قينالىپ جۇرگەندەر عانا ەمەس، قالتالى ازاماتتار دا كىرىپ كەتەدى. ويتكەنى قۇمار ويىن ءبىر ساتتىك ءلاززات سىيلاي­دى. ادامدار وزدەرىن «اقشا كەرەك بولعان سوڭ وينادىم» نەمەسە «باسقالار ويناپ جاتقان سوڭ مەن دە ويناپ كورگىم كەلدى»، دەپ اقتاۋعا تىرىسادى. بىراق تاۋەلدىلىكتىڭ نەگىزگى سەبەبى بالا كەزىندە اتا-انانىڭ جىبەرگەن قاتەلىگىندە. قۇمار ويىنعا اۋەستەنە باستاعان ادامنىڭ ءبىرىنشى مىنەزى، اينالامەن قارىم-قاتىناسى وزگەرە باستايدى. ورتامەن ارالاسۋدى ازايتىپ، اشۋشاڭ ءارى تاقىس بولىپ كەتەدى. جاس بالالاردان گورى ەرەسەك ادامداردى ونداي ورتادان الىپ شىعۋ، ادەتىنەن ارىلتۋ وتە قيىن. ءوزىم دە سونداي ادامدارمەن جۇمىس ىستەيمىن. بىراق ولاردىڭ بارلىعى ءوز ەركىمەن ەمەس، بىرەۋدىڭ كۇشتەۋىمەن كەلگەن ادامدار»، دەدى پسيحولوگ سەرىكگۇل سالي.

سوڭعى 10 جىلدىڭ ىشىندە اقش-تا سپورتتىق ويىندارعا ءباس تىگۋ قاتتى قار­قىن العان. سودان كەيىن 2018 جى­لى جوعارعى سوت شتاتتارعا ۇتىس تىگۋ­دى زاڭداستىرۋعا رۇقسات بەرگەن. ال قا­زاق­ستاندا «ويىن بيزنەسى تۋرالى» زاڭ 2020 جىلى قايتا قابىلدانعان. وسى زاڭنىڭ 6-بابى 1-تارماعىندا «قازاق­ستان رەسپۋبليكاسىندا ويىن بيزنەسى سالاسىنداعى قىزمەتتىڭ مىناداي تۇرلەرى جۇ­زەگە اسىرىلادى: كازينو; ويىن اۆتو­مات­­تارى زالى; بۋكمەكەر كەڭسەسى; توتا­لي­زاتور»، دەلىنسە، 2-تارماعىندا «ەلەكترون­دىق كازينو جانە ينتەرنەت-كازينو قىزمەتىنە تىيىم سالىنادى» دەپ جازىلعان.

ويىن بيزنەسى – مەملەكەتكە قوماقتى سالىق تولەيتىن ورىنداردىڭ ءبىرى. ونى زاڭداستىرۋدىڭ سەبەبى دە سول. ماسەلەن، اقش-تا زاڭ جوباسى قابىلداعاننان كەيىن 2020 جىلدىڭ ءبىرىنشى جارتىسىنداعى زاڭدى ۇتىس سوماسى 5 ميلليارد دوللاردان 2022 جىلدىڭ جارتىجىلدىعىندا 50 ميلليارد دوللارعا دەيىن وسكەن. سايكەسىنشە، سالىق تا كوبەيگەن. ال قازاقستاندا مەملەكەتتىك سالىققا 1 جىلدىڭ ىشىندە ويىنحانالاردان 53 ميلليارد تەڭگە تۇسكەن. دەپۋتات دانا نۇرجىگىتتىڭ ايتۋىنشا، ەلىمىزدە ليتسەنزيا­سى بار 30 بۋكمەكەرلىك كەڭسە، 7 كازينو جۇمىس ىستەيدى. ويىنحانالارعا ليتسەنزيا 10 جىلعا بەرىلەدى. الايدا ليتسەنزياسىز ۇيىمداستىرىلىپ جۇرگەن قۇمار ويىندار قانشاما؟! وسى تۇستا زاڭسىز اقشا اينالىمىنا توقتاۋ سالۋ وزەكتى كۇيىندە قالىپ وتىر. زاڭدى بەلشەدەن باسىپ جۇمىس ىستەپ جاتقان ويىنحانالار كوپ بولعانىمەن، قۇزىرلى ورىندار زاڭسىزدىقتى انىقتاپ، ولارعا قۇرىق سالۋعا ونشا ق ۇلىقتى ەمەس.

قازىرگى كەزدە قۇمار ويىنداردىڭ جارناماسى قاپتاپ ءجۇر. قۇمار ويىنشى­لاردىڭ دا سانى ەسەلەپ ارتىپ جاتىر. ەلىمىزدە 350 مىڭنان استام قۇمار ويىنشى بار. ولاردىڭ موينىنداعى قارىزى ورتاشا ەسەپپەن 10 ميلليون تەڭگە ەكەن. «قۇمار ويىنداردىڭ جارناماسىنا تىيىم سالۋ تۋرالى ماسەلە كوتەرىلىپ، زاڭعا وزگەرتۋلەر ەنگىزىلۋى كەرەك» دەگەن دە ۇسىنىس ايتىلعان. بىراق ويىن بيزنەسى ۇلكەن قارجىنىڭ كوزى بولعاندىقتان وعان تىيىم سالۋ مۇمكىن بولماي تۇر. جارنامالىق سەرىكتەستەرى دە كوبىنە بۋكمەكەرلىك كومپانيالاردى جارنامالاپ كۇن كورىپ وتىرعاندىقتان ودان باس تارتپاسى انىق. بىراق بەلگىلى ءبىر دەڭگەيدە توقتاۋ سالماسا، قوعامداعى جاعداي ۋشىعىپ بارادى.

اقش-تا 2021 جىلى 21 جاسقا تولماعان جاستاردى قۇمار ويىنعا قىزىق­تىرعاندارعا قاتىستى سوت ءىسى قوزعالدى. قازاقستان زاڭىندا دا جاس شەكتەۋلەرى بار جانە زاڭدا رۇقسات ەتىلمەگەن ورىنداردا قۇمار ويىنداردىڭ وتكىزىلۋىنە تىيىم سالىنعان. 11-باپتىڭ 2-تارماعىندا: «وسى باپتىڭ 1-تارماعىندا كورسەتىلگەن اۋماقتاردى قوسپاعاندا، قازاقستان رەسپۋب­ليكاسىنىڭ اۋماعىندا كازينونى، ويىن اۆتوماتتارى زالدارىن، بۋكمەكەرلىك كەڭسەلەر مەن توتاليزاتورلاردى (بۋكمەكەرلىك كەڭسەلەردىڭ جانە (نەمەسە) توتاليزاتورلاردىڭ كاسسالارىن) ورنالاستىرۋعا تىيىم سالىنادى»، دەپ جازىلعان. الايدا ويىن اۆتوماتتارى كەز كەلگەن جەرگە قويىلعان. «قازاقستاندا ويىن بيزنەسى ءتيىستى دەڭگەيدە قاداعالانبايدى، زاڭ ورىندالمايدى»، دەيدى زاڭگەرلەر.

بۋكمەكەرلىك كومپانيالاردىڭ جارناماسى بارلىق جەردە ءجۇر. قىزعان ساۋدانى قىزدىرا ءتۇسىپ، كىرىستى كوبەيتۋ ءۇشىن ويىن بيزنەسىن ۇيىمداستىرۋشىلار بارلىق مۇمكىندىكتى پايدالانادى. سەبەبى بۇل – بيزنەس. اسىرەسە قازىر ينتەرنەت ارقىلى ۇيىمداستىرىلاتىن ۇتىس ويىندارى كوبەيىپ كەلەدى. سوندىقتان دا زاڭ جوباسىنىڭ كۇشەيىپ، جۇرتتى اداستىراتىن جارنامانىڭ ازايعانى دۇرىس. قۇمار ويىن ورعا جىقپاسا وزگە اكەلەر پايداسى جوعى بەلگىلى. قوعامدا زاڭسىزدىقتى بولدىرماۋ ءۇشىن زاڭ كۇشەيىپ ءارى ول ءىس جۇزىندە ورىندالۋى ماڭىزدى.

 

ايتولعان ءجۇنىسحان،

ەۇۋ-دىڭ ستۋدەنتى

سوڭعى جاڭالىقتار

دەپوزيت تە، كرەديت تە ءوستى

ەكونوميكا • بۇگىن، 08:57

ماسكۇنەمدىك ۇلتتى ازدىرادى

قوعام • بۇگىن، 08:55

سۋبسيديالاۋدىڭ جاڭا جۇيەسى

ەكونوميكا • بۇگىن، 08:53

مەديتسينا اكادەميگى

مەديتسينا • بۇگىن، 08:50

جاساندى ينتەللەكت R&D-زەرتحاناسى

تەحنولوگيا • بۇگىن، 08:45

«اكەم كەلەدى»

ونەر • بۇگىن، 08:35

جاڭارۋ جوسپارى

ايماقتار • كەشە

ءباسى اسپانداعان التىن

ەكونوميكا • كەشە

100 جانە 99

پىكىر • كەشە

پايدالى نۇسقاۋلىق

قوعام • كەشە

قىمبات قۇجات

قازاقستان • كەشە

تەگىن ءبىلىم الادى

ءبىلىم • كەشە

5G: جەلىگە قوسىلۋ جەدەلدىگى

تەحنولوگيا • كەشە

كەستەلى شاپان

جادىگەر • كەشە

قىراۋدان جازىلعان حات

ادەبيەت • كەشە

ناۋەن حازىرەتتىڭ ءمورى

جادىگەر • كەشە

ۇقساس جاڭالىقتار