ء«بىز ءبارىمىز ەرالى لۇقپان ۇلىن مەملەكەتتىك قايراتكەر رەتىندە بىلەمىز, بىراق ونىڭ كوپ جىلدار بويى اكادەميالىق ورتادا جۇمىس ىستەگەنىن جانە جوعارى وقۋ ورىندارىنىڭ قىزمەتىمەن جاقسى تانىس ەكەنىن كوپشىلىك بىلە بەرمەيدى. ول ساياساتتانۋ عىلىمدارىنىڭ دوكتورى, زاڭ عىلىمدارىنىڭ كانديداتى, بىرقاتار عىلىمي جاريالانىمدارى دا بار. ە.توعجانوۆ استانا مەديتسينا ۋنيۆەرسيتەتىن دامىتۋدىڭ جاڭا ستراتەگياسىن ازىرلەۋگە جانە جوو-نى زەرتتەۋ ۋنيۆەرسيتەتىنە اينالدىرۋ جونىندەگى ناقتى ءىس-قيمىل جوسپارىن ازىرلەۋگە مۇمكىندىك بەردى», دەدى ۋنيۆەرسيتەت رەكتورى ءوز سوزىندە.
ايتا كەتسەك, بيىل ەرالى توعجانوۆتىڭ قولداۋىمەن مەديتسينا قىزمەتكەرىنىڭ ءيميدجىن ارتتىرۋ جانە ماماندىعىن دارىپتەۋ ماقساتىندا العاش رەت Astana Opera-دا استانا مەديتسينا ۋنيۆەرسيتەتىنىڭ تۇلەكتەرىنە ديپلوم تاپسىرۋ سالتاناتتى ءراسىمى وتكىزىلدى.
قازاقستان رەسپۋبليكاسى پرەمەر-ءمينيسترىنىڭ ورىنباسارى لاۋازىمىندا ەرالى توعجانوۆ قازاقستان اۋماعىندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانى باسقاردى. ەل ءۇشىن ەڭ داعدارىستى كەزەڭدە بۇل كوميسسيا جەدەل تۇردە جاۋاپتى شەشىمدەر قابىلدادى جانە دارىگەرلەر مەن باسقا قىزمەتتەرگە پاندەمياعا ءتيىمدى قارسى تۇرۋعا اتسالىستى.
«ەرالى لۇقپان ۇلى حالىقتىڭ دەنساۋلىعىنا ەرەكشە كوڭىل بولەدى. كەزدەسۋ بارىسىندا ءبىز اقتوبە وبلىسى تۇرعىندارىنىڭ دەنساۋلىعىن جاقسارتۋعا بايلانىستى ماسەلەلەردى تالقىلادىق. وبلىس اكىمى تاۋەكەل فاكتورلارىن, ونىڭ ىشىندە اقتوبە وبلىسى حالقىنىڭ دەنساۋلىعىنا اسەر ەتەتىن ەكولوگيالىق اسپەكتىلەردى زەردەلەۋگە باعىتتالعان زەرتتەۋلەر جۇرگىزۋگە كەلىسىم ءبىلدىردى. جاقىن ارادا ءبىز وبلىستىڭ دەنساۋلىق ساقتاۋ جۇيەسىنىڭ تيىمدىلىگىن ارتتىرۋعا جانە حالىقتىڭ دەنساۋلىعىن جاقسارتۋعا باعىتتالعان بىرقاتار جوبانى تالقىلاۋعا كىرىسەمىز», دەدى قامالجان نادىروۆ.
«استانا مەديتسينا ۋنيۆەرسيتەتىنىڭ قۇرمەتتى پروفەسسورى» اتاعى ۋنيۆەرسيتەتتىڭ بەدەلى مەن تانىلۋىنا ۇلەس قوسقان پەداگوگتەر مەن عالىمدارعا عانا ەمەس, سونىمەن قاتار ۇكىمەتتىك ەمەس جانە حالىقارالىق ۇيىمداردىڭ وكىلدەرىنە, ۋنيۆەرسيتەتپەن تىعىز عىلىمي جانە وقۋ-ادىستەمەلىك بايلانىسى بار جانە ءبىلىم-عىلىمنىڭ, دەنساۋلىق ساقتاۋدىڭ دامۋىنا ۇلەس قوسقان قوعامدىق جانە ساياسي قايراتكەرلەرگە دە بەرىلەدى.
