كوروناۆيرۋس • 02 جەلتوقسان، 2022

قازاقستاندا شەكتەۋ شارالارى ەنگىزىلە مە؟

125 رەت كورسەتىلدى

دەنساۋلىق ساقتاۋ ءمينيسترى اجار عينيات كورشىلەس قىتايدا كوروناۆيرۋستىڭ تارالۋىنا بايلانىستى قازاقستاندا  كوۆيدتىك شەكتەۋلەر ەنگىزىلە مە دەگەن سۇراققا جاۋاپ بەردى، دەپ حابارلايدى Egemen.kz.

«كوۆيدتىك شەكتەۋلەر بويىنشا بۇگىنگى جاعداي قىتاي مەن قازاقستاندا ايتارلىقتاي ەرەكشەلەنەدى. پاندەميا باستالعاننان بەرى قىتايدا وتە قاتاڭ شەكتەۋلەر ەنگىزىلدى. وسىلايشا، ولار ينفەكتسيانى لوكاليزاتسيالاپ، شەكتەدى»، دەپ ءتۇسىندىردى اجار عينيات پارلامەنت سەناتىنداعى ۇكىمەتتىك ساعاتتان كەيىن جۋرناليستەردىڭ سۇراقتارىنا جاۋاپ بەرە وتىرىپ.

«قازاقستاندا 10 ميلليوننان استام حالىق ۆاكتسيناتسيادان وتكەنىن، بەس ميلليوننان استام ادام ۇجىمدىق يممۋنيتەتكە يە بولىپ، رەۆاكتسيناتسيالانعانىن ەسكەرسەك، ەشقانداي شەكتەۋ شارالارى جوسپارلانبايدى»، دەدى مينيستر.

سوڭعى جاڭالىقتار

الماتىدا ەكى اۆتوبۋس سوقتىعىستى

ايماقتار • بۇگىن، 11:33

ۇقساس جاڭالىقتار