اۋا رايى • 01 جەلتوقسان، 2022

جەلتوقسان ايىندا اۋا رايى قانداي بولادى؟

148 رەت كورسەتىلدى

جەلتوقسان ايىندا اۋا تەمپەراتۋراسى تومەندەي بەرەدى، قار مولشەرى ارتادى، دەپ حابرلايدى Egemen.kz «قازگيدرومەت» رمك-عا سىلتەمە جاساپ.

«تاياۋ كۇندەرى قازاقستان اۋماعىنىڭ باسىم بولىگىندە اۋا رايىنىڭ تۇراقسىز سيپاتى كۇتىلەدى، قار، جاياۋ بۇرقاسىن، جەلدىڭ 15-25 م/س دەيىن كۇشەيۋى، ەلىمىزدىڭ وڭتۇستىك، وڭتۇستىك-شىعىسىنداعى تاۋلى اۋداندارىندا قاتتى قار، تۇمان، كوكتايعاق كۇتىلەدى. رەسپۋبليكانىڭ باتىسى مەن قيىر سولتۇستىگىندە اۋا رايى جاۋىن-شاشىنسىز بولادى»، دەلىنگەن قازگيدرومەت حابارلاماسىندا.

سودان كەيىن سالەحارد اۋداندارىنان اركتيكالىق سۋىقتىڭ تاعى ءبىر بولىگىمەن اۋا تەمپەراتۋراسى تومەندەيدى:

- ەلىمىزدىڭ باتىسىندا تۇندە -13-23°C دەيىن، كۇندىز -5-15°C دەيىن;

- سولتۇستىكتە جانە ورتالىقتا تۇندە -25-33°C دەيىن، كۇندىز -12-25°C دەيىن;

- شىعىستا تۇندە -25-37°C دەيىن، كۇندىز -17-23°C دەيىن;

- وڭتۇستىكتە جانە وڭتۇستىك-شىعىستا تۇندە -10-22°س دەيىن، كۇندىز -3-13°س دەيىن.

ءبىرىنشى ونكۇندىكتىڭ سوڭىندا سكانديناۆيا اۋداندارىنان تسيكلون تۇراقسىز اۋا رايىن تۋدىرادى، قر سولتۇستىك-باتىس وڭىرلەرىندە، سودان كەيىن ەلدىڭ قالعان اۋماعىندا ايازدىڭ السىرەۋىنە اكەلەدى.

بولجام بويىنشا 2022 جىلعى جەلتوقساننىڭ ەكىنشى جانە ءۇشىنشى ونكۇندىكتەرىندە قازاقستاننىڭ باسىم بولىگىندە اۋا رايىنىڭ ءجيى وزگەرۋى كۇتىلەدى. ايازدى كۇندەر جىلى كۇندەرمەن الماسىپ وتىرادى، سونىمەن بىرگە قارمەن، بۇرقاسىنمەن جانە ەكپىندى جەلمەن كۇتىلەدى، قر-نىڭ وڭتۇستىك جارتىسىندا جاۋىن-شاشىن كوبىنە جاڭبىر جانە جىلبىسقى قار تۇرىندە بولادى. سونداي-اق كوكتايعاق قۇبىلىستارى مەن تۇمان ءجيى بايقالادى. 

ءبىر اي ىشىندە تسيكلوندىق بەلسەندىلىكتىڭ اسەرىنەن بىرنەشە قارقىندى جىلۋ تولقىندارى كۇتىلەدى، ال سولتۇستىك-باتىس انتيتسيكلونداردىڭ ەنۋى كەزىندە بىرنەشە سۋىق تولقىندار بولجانادى. وسىلايشا، جەلتوقسان ايىندا اۋا تەمپەراتۋراسىنىڭ اۋىتقۋى ءجيى بايقالۋى كۇتىلەدى:

قر سولتۇستىك جارتىسىندا تۇندە -25-35°س-تان -5-13°س-قا دەيىن، كۇندىز -15-25°س-تان  0 -5°س-قا دەيىن.

قر وڭتۇستىك جارتىسىندا تۇندە -17-23°س-تان -5+2°س-قا دەيىن، كۇندىز -5-10°س-تان +3+10°س-قا دەيىن.

جالپى، بولجام بويىنشا جەلتوقسان ايىندا رەسپۋبليكانىڭ باسىم بولىگىندە ورتاشا ايلىق اۋا تەمپەراتۋراسى نورما شاماسىندا، رەسپۋبليكانىڭ قيىر باتىسىندا، سولتۇستىگىندە نورمادان 1° جوعارى بولادى دەپ كۇتىلۋدە.

جەلتوقسان ايىندا جاۋىن-شاشىن مولشەرى رەسپۋبليكانىڭ باسىم بولىگىندە - نورمادان كوپ، ەلىمىزدىڭ شىعىس بولىگىنىڭ باسىم ايماعىندا، ورتالىقتا، وڭتۇستىكتە، وڭتۇستىك-شىعىستا نورما شاماسىندا بولادى دەپ بولجانۋدا.

سوڭعى جاڭالىقتار

جاڭا باعىت

ساياسات • كەشە

ءورت: قاۋىپ پەن ساقتىق

توتەنشە جاعداي • كەشە

تۇلعا تۋرالى تۋىندى

ادەبيەت • كەشە

جولبارىس جىمى

ادەبيەت • كەشە

ەل سەنىمىن جالعاعان جوبا

ەكولوگيا • كەشە

جەلاياقتار استانادا جينالادى

جەڭىل اتلەتيكا • كەشە

جانىبەكتى جەكپە-جەككە شاقىردى

كاسىپقوي بوكس • كەشە

ۇقساس جاڭالىقتار