اۋىل – كۇللى قازاقتىڭ التىن بەسىگى. قاشاندا حالقىمىز ءۇشىن اۋىل – رۋحانياتىمىزدىڭ تەمىرقازىعى, ۇلتتىق قۇندىلىقتارىمىزدىڭ نەگىزى. وسى رەتتە, ەل پرەزيدەنتىنىڭ اۋىل تۇرعىندارىن قولداۋ ماقساتىنداعى جارلىققا بىردەن قول قويىپ, ۇكىمەتكە ناقتى 5 جىلعا ارنالعان جوسپارىن ازىرلەۋگە تاپسىرما بەرۋى ءسوزى مەن ءىسى اراسىندا الشاقتىقتىڭ جوقتىعىن كورسەتتى. سونداي-اق قالتالارىن قامپيتىپ شەتەل اسقان جەمقورلاردىڭ اقشالارىن قايتارىپ, ول قارجىنى جوعارى تەحنولوگيالى ءوندىرىس ورىندارىن اشۋعا, مەكتەپتەر مەن اۋرۋحانالار سالۋعا, الەۋمەتتىك جوبالاردى جۇزەگە اسىرۋعا قولداناتىنى كوڭىلدەگى كىربىڭدى ءبىر سەيىلتتى.
بۇدان بولەك, قاسىم-جومارت كەمەل ۇلى ادىلەتتى قازاقستاندا ۇستاز, دارىگەر, ءتارتىپ ساقشىسى, قۇتقارۋشى, جۇمىسشى, شارۋا سياقتى مامانداردىڭ مارتەبەسىن ودان ءارى ارتتىرۋدى كوزدەيتىنىن دە ايتتى. مەملەكەت باسشىسىنىڭ «قىزمەت – ۋاقىتشا, ال حالىق – ماڭگى» دەگەن ساۋلەلى سوزدەرىمەن قازاقستاندىقتارعا ەل مۇددەسى بارىنەن بيىك ەكەنىن, وعان جاۋاپكەرشىلىكپەن قاراۋ, ءاربىر ازاماتتىڭ مىندەتى ەكەندىگىنە باسا نازار اۋدارۋى حالىق سەنىمىن ودان ءارى ارتتىرا ءتۇستى.
اكىم ىسقاق,
قازاقستاننىڭ ەڭبەك سىڭىرگەن قايراتكەرى
