«ەكى كۇن بۇرىن اكىمدىكتە جينالىس بولدى, وعان كلەبانوۆ مىرزا دا قاتىستى, ءبىز جەو ماسەلەسىن كوتەردىك. وليگارح كلەبانوۆ بۇل نىساندى مەملەكەتكە ءبىر تەڭگەگە ساتۋعا دايىن ەكەنىن جەتكىزدى. ءبىز ماسەلە ولاي شەشىلمەيتىنىن, جەو باسشىلىعى جەلىلەردىڭ توزۋى مەن حالىققا كەلتىرىلگەن مورالدىق زالالدى وتەۋگە مىندەتتەلەتىنىن تۇسىندىردىك», دەدى ەرلان سايروۆ ءماجىلىس اياسىندا تىلشىلەردىڭ سۇراقتارىنا جاۋاپ بەرە وتىرىپ.
دەپۋتاتتىڭ ايتۋىنشا, الەكساندر كلەبانوۆ مەملەكەتكە ءدال وسىنداي ۇسىنىس جاساعان.
«بۇل ماسەلە كوتەرىلگەندە جينالىس داۋ-دامايعا اينالىپ, اركىم ءوز پىكىرىندە قالدى. بۇل ماسەلە ۇكىمەت دەڭگەيىندە شەشىلەدى دەپ ويلايمىن. ەگەر قۇقىق قورعاۋ ورگاندارى قانداي دا ءبىر تەرىس فاكتىلەردى تاپسا, ارينە, زالالدى وتەۋ تۋرالى ماسەلە قوزعالادى», دەپ تولىقتىردى ەرلان سايروۆ.
ەسكە سالا كەتسەك, 27 قاراشاعا قاراعان ءتۇنى ەكىباستۇزدا بىردەن بىرنەشە قازاندىق اگرەگاتتارى ىستەن شىققانى حابارلانعان ەدى. جاعدايدى پاۆلودار وبلىسىنىڭ اكىمى ابىلقايىر سقاقوۆ پەن ەكىباستۇز قالاسىنىڭ اكىمى ايان بەيسەكين باقىلاۋعا الدى. ولاردىڭ ايتۋىنشا, جىلۋ جەلىلەرىندە 10 زاقىمدانۋ ورنى انىقتالعان.
