جازبا دەرەكتەگى تاراز

ءىس-شارا باستالماس بۇرىن كەلۋشىلەر مۋزەيدىڭ ۇيىمداستىرۋىمەن ەجەلگى ەكسپوناتتاردان تۇراتىن «تارازدىڭ جاۋھار جادىگەرلەرى» اتتى جىلجىمالى كورمەنى تاماشالادى. باس­قوسۋدا العاش ءسوز العان «ەجەلگى تاراز ەسكەرت­كىشتەرى» تاريحي-مادەني مۋزەي-قورى­عىنىڭ ديرەكتورى بەرىك ءجۇسىپ تايسيا سەنيگوۆانىڭ جارتى عاسىر بۇرىن جارىق كورگەن مونوگرافياسىن قازاق تىلىنە اۋدارىپ, تاراز جۇرتىن ءتول مادەنيەتىمەن, ارحەولوگيالىق مۇرالارىمەن تانىستىرۋ كەرەكتىگىن تىلىنە تيەك ەتتى. سونداي-اق كونفەرەنتسيا بارىسىندا «تاراز قالاشىعىنىڭ ارحەولوگيالىق زەرتتەلۋى», «تاراز قالاشىعىن زەرتتەگەن كورنەكتى ارحەو­لوگتەر جا­يىن­­داعى ەستەلىكتەر», «جام­بىل وب­لى­سىنىڭ ارحەولوگيالىق ەكسپە­دي­تسيا­لارىنىڭ دالالىق ماتەريال­دا­رى» جانە «ت.ن.سەنيگوۆانىڭ «ور­تا­عاسىرلىق تاراز» مونوگرافيا­سى – وڭتۇستىك قازاقستاننىڭ ورتا­عاسىرلىق قا­لالارىن زەرتتەۋدىڭ نەگىزى» سەكىلدى وزەكتى تاقىرىپتار تالقىلاندى.

كونفەرەنتسيا بارىسىندا ماديار ەلەۋوۆ, جۇمان سمايلوۆ, دوكەي تا­لەەۆ, سەرىك اقىلبەك, ەرالى اقىم­بەك, بوريس جەلەزنياكوۆ, مامبەت شا­عىر­باەۆ, ساۋران قاليەۆ بايانداما جاسادى. ءىس-شاراعا تايسيا سەنيگوۆانىڭ قىزى يننا بوچكارەۆا ماسكەۋدەن بەي­نە­بايلانىس ارقىلى قوسىلىپ, ۇيىم­داستىرۋشىلارعا العىسىن جەتكىزدى.

تاراز