بولجام بويىنشا 29-30 قاراشادا ەلىمىزدىڭ شىعىس وبلىستارىندا ايازدى اۋا رايى ساقتالادى, ال قالعان وبلىستاردا ايازدىڭ تومەندەۋى كۇتىلەدى.
«30 قاراشا – 1 جەلتوقساندا رەسپۋبليكانىڭ باسىم بولىگىندە وڭتۇستىك تسيكلوننىڭ كۇشەيۋى كۇتىلۋدە. وڭتۇستىك جانە وڭتۇستىك-شىعىس وبلىستاردىڭ تاۋلى ايماقتارىندا جاڭبىر مەن قار تۇرىندەگى قاتتى جاۋىن-شاشىن بولادى. رەسپۋبليكا بويىنشا جەل كۇشەيىپ, وڭتۇستىك-شىعىستا كوكتايعاق, سولتۇستىكتە, شىعىستا, ورتالىقتا بۇرقاسىن جەل كۇتىلەدى», دەلىنگەن «قازگيدرومەت» رمك حابارلاماسىندا.
سونداي-اق سينوپتيكتەر تۇندە اۋا تەمپەراتۋراسى قانداي بولاتىنىن بولجادى.
بولجامعا سايكەس رەسپۋبليكانىڭ باتىسىندا -5, -15 گرادۋس اياز, سولتۇستىك-باتىستا -10, -28 گرادۋس اياز, سولتۇستىك وبلىستاردا -15, -25 گرادۋسقا دەيىن اياز, ال رەسپۋبليكانىڭ ورتالىعىندا -5, -20 گرادۋسقا دەيىن اياز, ەلدىڭ شىعىسىندا 33-43 گرادۋسقا دەيىن تومەندەپ, اياز كۇتىلەدى.
بۇل رەتتە اۋا تەمپەراتۋراسى رەسپۋبليكانىڭ شىعىسىندا -20, -30 گرادۋسقا دەيىن تومەندەيدى, وڭتۇستىكتە -7, -3 گرادۋس اياز, وڭتۇستىك-شىعىستا -5, -15 گرادۋسقا دەيىن جەتپەك.
