باستى ماقساتىمىز – بۇقارالىق سپورتتى دامىتۋ

استانادا قازاقستان فۋتبول فەدەراتسياسىنىڭ كەزەكتى كونفەرەنتسياسى ءوتتى. جيىنعا وبلىستىق فۋتبول فەدەراتسيالاردىڭ وكىلدەرى, قفف اتقارۋ كوميتەتىنىڭ مۇشەلەرى, پرەمەر-ليگا مەن ءبىرىنشى ليگا فۋتبول كلۋبتارىنىڭ وكىلدەرى قاتىستى. كەزدەسۋدە ەكى ماسەلە قارالدى. اتاپ ايتقاندا, وتكەن ماۋسىمنىڭ ناتيجەسى قورىتىندىلانىپ, فەدە­راتسيانىڭ فۋتبولدى دامىتۋداعى الداعى جوسپارلارى تالقىلاندى. بىلتىرعى فۋتبول ماۋسىمى قازاقستان فۋتبولىنىڭ 100 جىل­دىق مەرەيتويىنا تۇسپا-تۇس كەلىپ, سونىڭ اياسىندا كوپتەگەن اۋقىمدى ءىس-شارالار ۇيىمداستىرىلدى. ماسەلەن, ءوز تاريحىندا ءبىرىنشى رەت استانادا ۋەفا كونگرەسى ءوتىپ, قازاقستان ەۋروپا فۋتبولىنىڭ ورتالىعىنا اينالدى, الەم ەلدەرى ەلوردامىزداعى ءىس-شاراعا كوز تىگىپ, قۇلاقتارىن ءتۇردى. سونىمەن قاتار, قاراعاندىنىڭ «شاحتەرى» قازاقستان فۋتبولىنىڭ تاريحىندا تۇڭعىش رەت ەۋروپا ليگاسىنىڭ توپتىق كەزەڭىنە جولداما الدى, - دەدى كەزەكتى ونىنشى ەسەپتى كونفەرەنتسيانى اشقان قازاقستان فۋتبول فەدەراتسياسىنىڭ پرەزيدەنتى ادىلبەك جاقسىبەكوۆ. ءوز كەزەگىندە قفف-تىڭ باس حات­شىسى اللەن ءشايجۇنىسوۆ سوڭعى ەسەپتى كەزەڭدە قۇراما كومان­دالارىمىزدىڭ العا نىق قادام باسقانىن اتاپ ءوتتى. جالپى, وسى ارالىقتا قازاقستان ۇلتتىق قۇراماسى ون رەسمي جانە جولداستىق كەزدەسۋدى جوعارى دارەجەدە وتكى­زىپتى. 2014 جىلدىڭ اقپان ايىن­دا ۇلتتىق قۇرامامىزدىڭ باس جاتتىقتىرۋشىسى بولىپ بەلگىلى مامان يۋري كراسنوجان تاعا­يىن­دالدى. ال ايەلدەر ۇلتتىق قۇرا­ماسى 7 رەسمي ويىن وتكىزىپ, ءوز توبىندا بەسىنشى ورىندى يەمدەندى. قازاقستان جاستار قۇراماسى «ەۋرو-2015» ىرىكتەۋ دوداسىندا ءساتتى ونەر كورسەتۋدە. ولار بۇگىنگە دەيىن ءوز توبىندا بەلارۋس, ارمەنيا جانە يسلانديا قۇرامالارىن ۇتتى. حالىق اراسىندا فۋتبولدى كەڭىنەن ناسيحاتتاۋ شارالارى دا ءساتتى جالعاسۋدا. بۇگىندە ەلىمىزدە 13 فۋتبول ورتالىعى جۇمىستارىن جۇرگىزۋدە. ونىڭ ەكەۋى بيىل اشىلعان (قىزىلوردا جانە سەمەي). بولاشاقتا ەلىمىزدىڭ بارلىق ءوڭىرىن فۋتبول ورتالىقتارىمەن قامتۋ ءىسى جوسپارلانعان. 2013 جىلعى فۋت­بول ماۋسىمىندا اۋەسقوي كومان­دالار اراسىندا ەل كۋبوگى جانە قازاقستان چەمپيوناتى ۇيىمداستىرىلدى. سونداي-اق, شاعىن فۋتبولدان ارداگەرلەر مەن ستۋدەنتتەر اراسىنداعى چەم­­پيوناتتار ءوتتى. قازاقستان فۋتبول فەدەراتسياسى ءبىلىم جانە عى­لىم مينيسترلىگىمەن بىرىگىپ, 2014 جىلدىڭ مامىرىنان باستاپ ستۋ­دەنتتەر ۇلتتىق ليگاسىن قولعا ال­دى. بۇل ليگا ەلىمىزدىڭ بارلىق ءوڭىر­­لەرىن قامتۋدى ماقسات ەتىپ وتىر. وسىدان باسقا, 2013/2014 جىل­­عى فۋتبول ماۋسىمىندا 21 جاس­­قا دەيىنگى دايىندىق توپتارى ارا­­سىندا قازاقستان چەمپيوناتى وتكىزىل­دى. 2013 جىلعى ماۋسىمدا الما­تىنىڭ «قايرات» فۋتزال كلۋبى ەرەمەنكو كۋبوگىنىڭ يەگەرى اتاندى. ءدال وسى دودانىڭ ەليتالىق كەزەڭىندە قاراعاندىنىڭ «تۇلپا­رى» دا وينادى. قازاقستان فۋتبول تورەشىلەرى­نىڭ كاسىبي بىلىكتىلىكتەرىن ارت­تى­رۋعا بايلانىستى شارالار دا ءساتتى جۇمىس جاساۋدا. جاس اربيترلار مەكتەبى ءار وڭىردە كەڭىنەن دامىپ, 2013 جىلى سول مەكتەپتەردەگى تورە­­شىلەردىڭ سانى 150 ادامعا جەتتى. ءتىپتى, جوعارى دارەجەدەگى ويىند­ار­عا تورەلىك اتقارۋعا جولداما الىپ جاتقان تۇلەكتەرىنىڭ سانى دا ەداۋىر ارتتى. فۋتبول ماماندارىن دايىنداۋ جۇيەسى دە قۇرىلۋدا. ءبىرىنشى كەزەكتە بۇل جوبانىڭ جۇزەگە اسۋى قازاقستان فۋتبول فەدەراتسياسىنىڭ 2014 جىلدىڭ قاڭتار ايىندا سانكت-پەتەربۋرگ قالاسىندا رەسەي, بەلارۋس, ۋكراينا, لاتۆيا جانە ليتۆا ەلدەرىمەن ىنتىماقتاستىق تەحنيكالىق مەموراندۋمعا قول قويۋىنا بايلانىستى بولىپ وتىر. ەلىمىزدە كاسىپقوي فۋتبول مەنەدجەرلەرىن دايىنداۋعا ارنال­عان «CFM» ۋەفا سەمينارىن وتكىزۋ ماسەلەسى دە كەلىسىلىپ قويدى. اتقارىلعان جۇمىستاردى قورى­تىندىلاي كەلە ادىلبەك جاق­سىبەكوۆ الدا وتاندىق فۋتبولدى دامىتۋعا ارنالعان جاڭا تاپسىرمالار مەن ماقساتتاردى ىسكە اسىرۋ كەرەكتىگىن ايتتى. «ونىڭ جاقىن ارالىقتاعى ناتيجەسى – قازاقستان ۇلتتىق قۇراماسىنىڭ ەۋروپا چەمپيوناتىنىڭ ىرىكتەۋ دوداسىندا ءساتتى ونەر كورسەتۋى بولۋى ءتيىس. بۇل تۋرنيردە ۇلتتىق قۇرامامىز گوللانديا, چەحيا, تۇركيا, يسلانديا جانە لاتۆيا قۇرامالارىمەن كەزدەسەدى. ال كلۋبتىق فۋتبولىمىزدى جاقسى دامىپ جاتقانىنىڭ كورىنىسى – «اقتوبەنىڭ» چەمپيوندار ليگاسىندا, «استانا», «قايرات», «شاح­تەر» كوماندالارىنىڭ ەۋروپا ليگاسى ءساتتى ونەر كورسەتۋى بولۋى كەرەك», دەدى ول. قازاقستان فۋتبول فەدەراتسيا­سى كەزەكتى كونفەرەنتسياسىنىڭ قورىتىندىسىندا بىرقاتار ۇيىم­داستىرۋشىلىق شەشىمدەر قابىل­داندى. داستان كەنجالين, «ەگەمەن قازاقستان».