بۇگىن ەكىباستۇز جەو-دا ساعات 01.30-دا جىلۋ جەلىلەرىندەگى زاقىمدانۋلارعا بايلانىستى جەلىلىك سۋدىڭ قىسىمى تومەندەدى، ناتيجەسىندە №11، 13، 14، 15 سۋ جىلىتۋ قازاندىقتارى توقتاتىلدى، سونداي-اق №8 ەنەرگەتيكالىق قازاندىق قولمەن توقتاتىلدى، دەپ حابارلايدى Egemen.kz.
جەرگىلىكتى جەردە بارلىق تەحنيكالىق قىزمەتتەردىڭ، ەنەرگەتيكالىق كاسىپورىندار باسشىلىعىنىڭ جانە ەنەرگەتيكا مينيسترلىگى وكىلدەرىنىڭ قاتىسۋىمەن وبلىس اكىمى باستاعان جەدەل شتاب قۇرىلدى.
قازىرگى ۋاقىتتا ەكىباستۇز جەو-دا 4 قازاندىق جۇمىس ىستەپ تۇر، جىلۋ جەلىسى اينالىمدا. جىلۋ جەلىلەرىندەگى زاقىمدانۋدى جويۋعا جەدەل بريگادالار جۇمىلدىرىلدى، ورامدىق جەلىلەردە 5 اقاۋ انىقتالدى، باسقا دا زاقىمدانۋلاردى ىزدەۋ جۇمىستارى جالعاسۋدا.
ەستەرىڭىزگە سالا كەتەيىك، بۇعان دەيىن پاۆلودار وبلىسى ەكىباستۇز قالاسى تۇرعىندارىنىڭ ەكىباستۇز جەو-دا جۇرگىزىلىپ جاتقان جوندەۋ جۇمىستارىنىڭ بارىسى تۋرالى شاعىمدارى بويىنشا قر ەنەرگەتيكا مينيسترلىگى قۇرامىندا اتومدىق جانە ەنەرگەتيكالىق قاداعالاۋ مەن باقىلاۋ كوميتەتىنىڭ جانە اكىمدىكتىڭ وكىلدەرى بار ارنايى كوميسسيا (كوميسسيا) قۇرعان بولاتىن.
2022 جىلعى 9-10 تامىز ارالىعىندا كوميسسيا ەكىباستۇز جەو-دا بولدى. ساپار بارىسىندا نەگىزگى جابدىقتىڭ جوندەۋ جۇمىستارى جانە تومەن تەرىس تەمپەراتۋرالار كەزەڭىندە جۇكتەمەنى كوتەرۋ دايىندىعى تەكسەرىلدى.
ستانتسيانى ارالاۋ بارىسىندا جەو باسشىلىعىنا جوندەۋ جۇمىستارىن جەدەلدەتۋ تاپسىرىلدى. جالپى، ەلەكتر ستانتسياسىندا 5 ەنەرگەتيكالىق جانە 5 سۋ جىلىتۋ قازاندىعى، سونداي-اق 1 بۋ تۋربيناسى ورناتىلعان.
كوميسسيا جىلۋ قۇبىرلارىنىڭ توزۋىنىڭ جوعارى دەڭگەيىن ەرەكشە اتاپ ءوتتى، ول 70%-دان اسادى. جىلۋ قۇبىرلارىنىڭ قازىرگى توزۋى جىلۋ جەلىلەرىندەگى، اسىرەسە جىلىتۋ ماۋسىمدارىنىڭ باسىندا جىل سايىنعى جوعارى اپاتتىلىقتىڭ نەگىزگى سەبەبى بولىپ تابىلادى.
جىلۋ جەلىلەرى قۇبىرلارىندا جوندەۋ جۇمىستارىنىڭ قاجەتتى جانە جەتكىلىكتى كولەمىن جۇرگىزۋگە اسەر ەتەتىن نەگىزگى جۇيەلى پروبلەمالاردىڭ ءبىرى جىلۋ ەنەرگياسىنا قولدانىستاعى تومەن تاريف بولىپ وتىر. جىلۋ قۇبىرلارىنىڭ جالپى ۇزىندىعى 342 كم، جىل سايىن شامامەن 3-4 كم جىلۋ جەلىلەرى اۋىستىرىلادى.
- تابيعي مونوپوليالار سۋبەكتىلەرىنىڭ جىلۋ ەنەرگياسىن ءوندىرۋ جانە بەرۋ تاريفتەرىن بەلگىلەۋ قازاقستان رەسپۋبليكاسى ەنەرگەتيكا مينيسترلىگىنىڭ قۇزىرەتىنە جاتپايتىنىن جانە تابيعي مونوپوليالار سۋبەكتىلەرىن رەتتەۋ جونىندەگى مەملەكەتتىك ورگاننىڭ قۇزىرەتىنە جاتاتىنىن حابارلايمىز، - دەلىنگەن مينيسترلىك حابارلاماسىندا.
سقو-دا ماكارون ونىمدەرىنىڭ باعاسى 40% ارزاندادى
قوعام • بۇگىن، 20:42
جەكە كۋالىكتى جەدەل جاساتۋ قۇنى قانشا تۇرادى؟
قوعام • بۇگىن، 20:17
«Nauryz» سەريالدار بايگەسىنىڭ جەڭىمپازدارى انىقتالدى
مادەنيەت • بۇگىن، 19:44
«التىن القا» مەن «كۇمىس القا» يەلەرىنە جاردەماقى اۆتوماتتى تۇردە تاعايىندالادى
قوعام • بۇگىن، 19:30
«تۇمار» تەلەباعدارلامالار بايقاۋىنا ەكى نوميناتسيا قوسىلادى
مادەنيەت • بۇگىن، 19:11
ۇقك سولتۇستىك قازاقستاندا سەپاراتيزمدى ناسيحاتتاۋ بابى بويىنشا ءتىنتۋ جۇرگىزۋدە
قوعام • بۇگىن، 18:32
ۇقساس جاڭالىقتار
