«دەمالىس كۇندەرى قازاقستان اۋماعىنىڭ باسىم بولىگىنە سۋىق اركتيكالىق اۋامەن تولتىرىلعان سولتۇستىك انتيتسيكلونى اسەر ەتەدى, سونىمەن بايلانىستى سولتۇستىك-باتىس, سولتۇستىك, ورتالىق جانە شىعىستا اۋا تەمپەراتۋراسىنىڭ كۇرت تومەندەۋى جانە جاۋىن-شاشىننىڭ توقتاۋى كۇتىلەدى», دەلىنگەن قازگيدرومەت حابارلاماسىندا.
اتموسفەرالىق فرونتتاردىڭ وتۋىمەن 26 قاراشادا شىعىستا, 26-28 قاراشادا رەسپۋبليكانىڭ وڭتۇستىگى مەن وڭتۇستىك-شىعىسىندا اۋا-رايىنىڭ تۇراقسىز سيپاتى كۇتىلەدى. قار تۇرىندە جاۋىن – شاشىن جاۋادى. 26 قاراشادا شىعىستا, 26-27 قاراشادا وڭتۇستىك-شىعىستا قالىڭ قار تۇسەدى.
رەسپۋبليكا بويىنشا تۇمان, شىعىس, وڭتۇستىك جانە وڭتۇستىك-شىعىستا جەلدىڭ كۇشەيۋى 15-28 م/س بولادى. شىعىستا بۇرقاسىن, وڭتۇستىك جانە وڭتۇستىك-شىعىستا كوكتايعاق كۇتىلەدى.
تۇندە باتىستا اۋا تەمپەراتۋراسى 5-15 ايازعا دەيىن تومەندەيدى. 26-27 قاراشادا سولتۇستىك-باتىستا 20-30 ايازعا دەيىن, سولتۇستىكتە 23-36 ايازعا دەيىن, ورتالىقتا 17-34 ايازعا دەيىن, 27-28 قاراشادا شىعىستا 27-38 ايازعا دەيىن كۇرت تومەندەۋى بولجانادى, 27-28 قاراشادا اۋا تەمپەراتۋراسى وڭتۇستىك, وڭتۇستىك-شىعىستا 5-15, تاۋلى جەرلەردە اۋدانداردا 15-20 گرادۋس اياز دەيىن تومەندەۋى كۇتىلەدى.
