شەرحان مۇرتازانىڭ ايگىلى رومانىنىڭ قولجازباسى قايدا ساقتالعان؟ وسى ساۋال كىمدى دە بولسىن تولعاندىرماي قويماسى انىق. بۇگىندە قولجازبا قالامگەر اتىنداعى رۋحانيات جانە تاريحتانۋ ورتالىعىندا تۇر.
«شەراعانىڭ «قىزىل جەبەسىنە» قاتىستى دەرەكتەر از ەمەس. قالامگەر روماندى جازۋ بارىسىندا دىنمۇحامەد قوناەۆقا كىرىپ, تاريحي ارحيۆتەردىڭ اسا قۇپيا مالىمەت ساقتالعان بولىمدەرىنەن مالىمەتتەر ىزدەۋگە رۇقسات العان. قازىرگى تاڭدا اتالعان رومان تۋرالى شەرحان مۇرتازا ۇلىنىڭ ءوز قولىمەن جازعان ەكى قالىڭ قىزىل داپتەر تابىلىپ وتىر. ونىڭ ءبىرى 1974 جىلى, ەكىنشىسى 1978 جىلى جازىلىپ ساقتالعان ەكەن. قالامگەردىڭ ءوز قولىمەن جازعان دۇنيەسى قولىمىزعا تۇسكەنىنە بەك قۋانىشتىمىز», دەيدى ش.مۇرتازا اتىنداعى رۋحانيات جانە تاريحتانۋ ورتالىعىنىڭ ءبولىم باسشىسى نازىم قوجاماروۆا ءوز ويىمەن ءبولىسىپ.
جالپى, قالامگەر اتىنداعى ورتالىقتا شەراعاعا قاتىستى قىزىقتى دۇنيەلەر از ەمەس. مۇندا كەلەتىن جۇرتشىلىق شەرحان مۇرتازانىڭ قولجازباسىن دا, باسقا دا دەرەكتەردى قىزىعا تاماشالايدى ەكەن. قۋانىشتىسى دا سول.
تاراز
