اۋا رايى • 24 قاراشا، 2022

14 وڭىردە اۋا رايى ناشارلايدى

247 رەت كورسەتىلدى

قازاقستاندىق سينوپتيكتەردىڭ ايتۋىنشا، 25 قاراشادا قازاقستاننىڭ باسىم بولىگىندە اۋا رايى ناشارلايدى، دەپ حابارلايدى Egemen.kz «قازگيدرومەت» رمك-عا سىلتەمە جاساپ.

كۇندىز اباي وبلىسىنىڭ باسىم بولىگىندە قار جاۋادى. كۇندىز وبلىستىڭ شىعىسىندا، وڭتۇستىگىندە بوران كۇتىلەدى. وبلىستىڭ وڭتۇستىگىندە كوكتايعاق بولادى. وبلىستىڭ وڭتۇستىك-شىعىسىندا جەل سوعىپ، ەكپىنى 25 م/س دەيىن جەتەدى.

اقمولا وبلىسىنىڭ باسىم بولىگىندە جاۋىن-شاشىن مەن بوران كۇتىلەدى. وبلىستىڭ سولتۇستىگىندە، باتىسىندا، وڭتۇستىك-شىعىسىندا تۇمان، كوكتايعاق بولادى. سولتۇستىك-شىعىستان جەل سوعىپ، ەكپىنى 15-20،  كەيدە 23 م/س دەيىن جەتەدى. كوكشەتاۋ قالاسىندا تۇمان كۇتىلەدى.

تۇندە اقتوبە وبلىسىنىڭ سولتۇستىگى مەن ورتالىعىندا كوكتايعاق بولادى دەپ بولجانادى. اقتوبە قالاسىندا تۇندە كوكتايعاق كۇتىلەدى.

استانا قالاسىندا جاۋىن-شاشىن، بوران، كوكتايعاق، تۇمان كۇتىلەدى. كۇندىز سولتۇستىك-شىعىستان جەل سوعىپ، ەكپىنى 15-20 م/س بولادى.

كۇندىز شىعىس قازاقستان وبلىسىنىڭ باسىم بولىگىندە قار جاۋادى. كۇندىز وبلىستىڭ سولتۇستىگىندە، شىعىسىندا بوران بولادى دەپ كۇتىلەدى. وبلىستىڭ سولتۇستىگىندە، شىعىسىندا  جەل سوعىپ، ەكپىنى 25 م/س دەيىن جەتەدى. كۇندىز وسكەمەن قالاسىندا بوران كۇتىلەدى. 

تۇندە جانە تاڭەرتەڭ جەتىسۋ وبلىسىنىڭ تاۋلى جانە تاۋ بوكتەرىندەگى اۋداندارىندا تۇمان كۇتىلەدى. وبلىستىڭ سولتۇستىگىندە، شىعىسىندا  جەل سوعىپ ەكپىنى 23-28 م/س بولادى.

سينوپتيكتەردىڭ ايتۋىنشا، باتىس قازاقستان وبلىسىنىڭ سولتۇستىگىندە، ورتالىعىندا، وڭتۇستىك-شىعىسىندا تۇمان كۇتىلەدى. 

قاراعاندى وبلىسىنىڭ سولتۇستىگىندە كەيدە قالىڭ قار جاۋادى. سولتۇستىكتە، شىعىستا، وبلىستىڭ ورتالىعىندا بوران، كوكتايعاق بولادى. كۇندىز سولتۇستىكتە، شىعىستا باتىسقا اۋىساتىن وڭتۇستىك جەل سوعىپ، وبلىستىڭ ورتالىعىندا ەكپىنى 15-20 م/س جەتەدى. ال قاراعاندى قالاسىندا كوكتايعاق كۇتىلەدى.

تۇندە قوستاناي وبلىسىنىڭ باسىم بولىگىندە قار جاۋادى. تۇندە وبلىستىڭ سولتۇستىگىندە، باتىسىندا، شىعىسىندا، كۇندىز وبلىستىڭ شىعىسىندا بوران بولادى. وبلىستىڭ سولتۇستىگىندە تۇمان كۇتىلەدى.

قىزىلوردا وبلىسىندا تۇمان تۇسەدى.

تۇندە جانە تاڭەرتەڭ ماڭعىستاۋ وبلىسىنىڭ سولتۇستىك-شىعىسىندا دا تۇمان كۇتىلەدى. اقتاۋ قالاسىندا شىعىس، وڭتۇستىك-شىعىس جەل سوعىپ، كۇندىز ەكپىنى 15-18 م/س بولادى دەپ كۇتىلۋدە.

كۇندىز پاۆلودار وبلىسىنىڭ وڭتۇستىگىندە قالىڭ قار، وبلىستىڭ سولتۇستىگىندە، شىعىسىندا، وڭتۇستىگىندە بوران كۇتىلەدى. كۇندىز پاۆلودار قالاسىندا بوران بولادى.

تۇندە سولتۇستىك قازاقستان وبلىسىنىڭ باسىم بولىگىندە قالىڭ قار جاۋادى. وبلىستىڭ سولتۇستىگىندە، باتىسىندا، وڭتۇستىگىندە تومەن قارلى بوران كۇتىلەدى.

ۇلىتاۋ وبلىسىنىڭ سولتۇستىگىندە كوكتايعاق كۇتىلۋدە. وبلىستىڭ ورتالىعىندا جەل سوعىپ، ەكپىنى 15-20 م/س دەيىن جەتەدى.

سوڭعى جاڭالىقتار

پرەزيدەنت جامبىل وبلىسىنا باردى

قازاقستان • بۇگىن، 11:43

ۇقساس جاڭالىقتار