ماسەلەن, قازاقستاندىق كورەرمەندەرگە قازاق تىلىندە تيفلوكوممەنتاريلەرى بار «شاي» قىسقامەتراجدى ءفيلمى ۇسىنىلدى. قاليبەك قۋانىشباەۆ اتىنداعى قازاق مۋزىكالىق دراما تەاترىندا وتكەن گالا-كونتسەرتتە وزبەكستان رەسپۋبليكاسىنىڭ جەتەكشى سوليستەرى مەن شىعارماشىلىق ۇجىمدارى ونەر كورسەتتى.
ء«بىزدى ەكى مىڭ شاقىرىمنان استام شەكارا عانا ەمەس, ەكى مىڭجىلدىق تاريح بىرىكتىرەدى. سىزدەر بىزگە ارنايى الىپ كەلگەن مازمۇنى تەرەڭ, ماعىناسى باي باعدارلامالار كوشى سول يگى ساباقتاستىقتى جالعاستىرىپ وتىر. الايدا, قوس تاراپ بۇل رۋحاني بايلانىسپەن تەجەلىپ قالماۋى ءتيىس. الداعى ۋاقىتتا مادەني الماسۋدان بولەك, بىرلەسكەن ورتاق جوبالاردى جۇزەگە اسىرۋ قاجەت. ءبىز بۇرىننان تاتۋلىقتى تابىسقا, بىرلىكتى بەرەكەگە اينالدىرىپ كەلە جاتقان اعايىنداس حالىقتارمىز. ءتۇبى ءبىر تۇركى الەمىنىڭ قوس قازىعىنداي قازاق-وزبەك قاتىناسى نىعايا بەرۋىنە شىن جۇرەكتەن تىلەكتەسپىن», دەپ اتاپ ءوتتى مادەنيەت جانە سپورت ءمينيسترى داۋرەن اباەۆ.
وزبەك تاراپى ۆەدومستۆوعا ءىس-شارالاردى ۇيىمداستىرۋعا اتسالىسقانى ءۇشىن العىس ءبىلدىردى.
