قازاقستان • 24 قاراشا، 2022

«قاراعاندى-بالقاش» تاس جولىنىڭ قۇرىلىسى كوڭىل كونشىتپەي تۇر - سەناتور

19 رەت كورسەتىلدى

سەناتور داۋرەن ادىلبەكوۆ «قاراعاندى-بالقاش» تاس جولىنىڭ قۇرىلىسىن قارجىلاندىرۋ ماسەلەسىنە الاڭداۋشىلىق ءبىلدىردى. ول پرەمەر-مينيستر ءاليحان سمايىلوۆتىڭ اتىنا جولداعان دەپۋتاتتىق ساۋالىندا جوبانى جۇزەگە اسىرۋداعى قيىندىقتاردى كوتەردى، دەپ حابارلايدى Egemen.kz.

سەناتوردىڭ ايتۋىنشا، بۇل تاس جولدى سالۋدىڭ جوبالىق-سمەتالىق قۇجاتتاماسى 2016-2017 جىلدارى ازىرلەنگەن. قۇرىلىس 2020 جىلى اياقتالۋى كەرەك ەدى. بۇل فاكتور، سونداي-اق جول-قۇرىلىس ماتەريالدارى باعاسىنىڭ كەيىننەن كۇرت وسۋىنە، ناقتىلاي ايتقاندا الدىن الا ەسەپتەۋلەر بويىنشا قۇرىلىس جۇمىستارى قۇنىنىڭ 128 ملرد تەڭگەگە وسۋىنە اكەلدى.

«2019 جىلى «قازاۆتوجول» اق مالىمەتىنشە، جول ىرگەتاسىنىڭ تومەنگى قاباتىنىڭ قۇرىلىسى نەبارى 1،3%-عا عانا اياقتالدى. ياعني، 726 شاقىرىمنىڭ 9،2 شاقىرىمى، جول نەگىزىنىڭ جوعارعى قاباتى - 1،1 پايىز، 8،2 شاقىرىم، جول توسەمىنىڭ تومەنگى قاباتى - 1،1 پايىز، 6 شاقىرىم. بۇل جۇمىستارعا 1798 ادام، 998 جول-قۇرىلىس تەحنيكاسى جۇمىلدىرىلدى. 2020 جىلى بۇل كورسەتكىشتەر سايكەسىنشە 20% - 142 كم جانە 25% قۇرادى. 2165 ادام مەن 1042 تەحنيكا جۇمىلدىرىلعان. وسىعان بايلانىستى، كورسەتىلگەن كەزەڭدەردە تارتىلعان جۇمىس كۇشى مەن تەحنيكا سانىمەن ورىندالعان جۇمىستىڭ ايتارلىقتاي سالىستىرمالى ديسپروپورتسياسى وزىنە نازار اۋدارتادى»، دەدى سەناتور.

سەناتور قازىردىڭ وزىندە جۇرگىزىلگەن جۇمىستاردىڭ ناتيجەسىن جوعالتۋ قاۋپى جوعارى ەكەنىن اتاپ ءوتتى. ماسەلەن، قازىر اسفالت-بەتون جابىندىسىنىڭ تومەنگى قاباتى عانا توسەلگەن ۋچاسكەلەردە قوزعالىس اشىق تۇر. بۇل ونىڭ مىندەتتى تۇردە بۇزىلۋىنا، دەمەك، اسفالتتىڭ جوعارعى قاباتىن سالۋ كەزىندە پروبلەمالارعا اكەلىپ سوعادى.

سوڭعى جاڭالىقتار

كۇرەسكەر گەينە

ادەبيەت • كەشە

اجالدى جەڭگەن اسپان

ادەبيەت • كەشە

اعاش كوشەتى ەگىلدى

ايماقتار • كەشە

قاسقىر

ونەر • كەشە

ۇقساس جاڭالىقتار