ماماندار اتىراۋ قالاسىنىڭ تۇرعىن ايماعىنداعى 29 نۇكتەدەن جانە قۇلسارى قالاسىنداعى 17 نۇكتەدەن اۋا سىنامالارىن الدى. وسىلايشا, قاڭتاردان قازانعا دەيىن ولار تۇرعىن اۋداننان 24 ينگرەديەنت بويىنشا 8038 اۋا سىناماسىن تەكسەردى. ولار اتموسفەرالىق اۋادا كەروسين, بەنزين, كۇكىرت ديوكسيدى, يزوپروپيلبەنزول جانە كومىرتەكتى تاپتى.
«وبلىستاعى اتموسفەرالىق اۋانى لاستاۋ ماسەلەسىن شەشۋ ءۇشىن اتموسفەرالىق اۋانى لاستايتىن نىسانداردى انىقتاۋ ماقساتىندا قۇزىرلى ورگاندار مەن مۇددەلى تۇلعالاردىڭ قاتىسۋىمەن جۇمىس توبى قۇرىلدى. ماسەلەن, حات نەگىزىندە 2022 جىلى اتىراۋ وبلىسى بويىنشا ەكولوگيا دەپارتامەنتىنەن «اتىراۋ ءموز» جشس (اتىراۋ ءموز), «نەفتەسترويسەرۆيس لتد» جشس-نە اتموسفەرالىق اۋاداعى كومىرسۋتەكتەردىڭ, كومىرتەگى توتىعىنىڭ جانە كومىرسۋتەكتەردىڭ شەكتى رۇقسات ەتىلگەن كونتسەنتراتسياسىنان اسىپ كەتۋ فاكتىسى بويىنشا اكىمشىلىك شارالار قولدانىلدى, ياعني 5 880 960 تەڭگە كولەمىندە ايىپپۇل سالىندى», دەلىنگەن كوميتەت حابارلاماسىندا.
