ءتارتىپ ساقشىلارى ءمالىم ەتكەندەي, كوكشەتاۋ قالاسىنىڭ 41 جاستاعى تۇرعىنى قويمادا ەسىرتكى زاتتارىن ساقتاعان.
وپەراتسيانى جۇرگىزگەن پوليتسەيلەردىڭ ايتۋىنشا, ەر ادام وبلىس ورتالىعىنا كىرگەن كەزدە ۇستالدى. ءتىنتۋ جۇمىستارى بارىسىندا كۇدىكتىنىڭ قالتاسىنان سالماعى 3,56 گ بولاتىن ەكى پوليەتيلەن پاكەتى جانە ەسىرتكىنى قولدانۋعا ارنالعان قۇرىلعى تابىلدى.
«ساراپتاما قورىتىندىسىنا قاراعاندا, ۇستالعان ادام ەسىرتكىگە ماس كۇيىندە كولىك جۇرگىزگەنى انىقتالدى», دەلىنگەن وبلىستىق پد ءباسپاسوز قىزمەتى تاراتقان حابارلامادا.
ايتا كەتسەك, كۇدىكتىنىڭ كولىگىنەن سالماعى 845,68 گ گاشيش سالىنعان پوليەتيلەن پاكەت تابىلدى.
اتالعان فاكتى بويىنشا قر قك 296-بابىنىڭ 4-بولىگى بويىنشا «ەسىرتكى, پسيحوتروپتىق زاتتاردى, ولاردىڭ انالوگتارىن اسا ءىرى مولشەردە وتكىزۋ ماقساتىنسىز زاڭسىز دايىنداۋ, قايتا وڭدەۋ, ساتىپ الۋ, ساقتاۋ, تاسىمالداۋ» بويىنشا سوتقا دەيىنگى تەرگەۋ باستالدى.
