سىرتقى ىستەر ءمينيسترىنىڭ ورىنباسارى ءادىل تۇرسىنوۆ استانا پروتسەسىنىڭ سيريا بويىنشا كەپىلدىك بەرۋشى ەلدەرىنىڭ قورىتىندى مالىمدەمەسى جايلى حابارلادى.
«كەپىلگەر ەلدەر 2023 جىلدىڭ ءبىرىنشى جارتىجىلدىعىندا سيريا بويىنشا 20-شى حالىقارالىق كەزدەسۋدى استانادا وتكىزۋگە كەلىستى. سونداي-اق ولار 2022 جىلعى 19 شىلدەدەگى ۇشجاقتى ءسامميتتىڭ قورىتىندى مالىمدەمەسىندە بەكىتىلگەن كەلەسى جوعارى دەڭگەيدەگى كەزدەسۋدى رەسەي فەدەراتسياسىندا ۇيىمداستىرۋ تۋرالى كەلىسىمدى اتاپ ءوتتى», دەدى ادىل تۇرسىنوۆ.
سونىمەن قاتار كەپىلگەر ەلدەر سيريانىڭ ەگەمەندىگى مەن اۋماقتىق تۇتاستىعىنا نۇقسان كەلتىرۋگە باعىتتالعان جانە كورشى ەلدەردىڭ ۇلتتىق قاۋىپسىزدىگىنە قاۋىپ توندىرەتىن سەپاراتيستىك جوسپارلارعا قارسى تۇرۋ ماقساتىندا تەرروريزمگە قارسى كۇرەس ماقساتىندا ونىڭ بارلىق نىساندارى مەن كورىنىستەرىندە ءوزارا ءىس-قيمىلدى جالعاستىرۋعا بەل بۋدى.
