پرەزيدەنت ق.ك. توقاەۆتىڭ قىركۇيەكتەگى جولداۋىندا جانە مەملەكەت باسشىسىنىڭ الماتىداعى ستۋدەنتتەرمەن, جاس عالىمدارمەن كەزدەسۋىندە بەرگەن تاپسىرماسىن ورىنداۋ ماقساتىندا عىلىم جانە جوعارى ءبىلىم مينيسترلىگى مەن وقۋ-اعارتۋ مينيسترلىگى جوو مەن كوللەدجدەرگە جاڭا جاتاقحانالار سالۋ نەمەسە جۇمىس ىستەپ تۇرعان جاتاقحانالاردى قايتا جاڭارتۋ كەزىندە قۇرىلىس سالۋشىنىڭ شىعىندارىن ءىشىنارا نەمەسە تولىق وتەۋگە باعىتتالعان مەملەكەتتىك تاپسىرىستى ورنالاستىرۋ تەتىگىن قايتا قاراستىردى.
جوو جانە كوللەدج ستۋدەنتتەرى ءۇشىن جاتاقحانالار سالۋ كەزىندە ءبىر ورىنعا مەملەكەتتىك تاپسىرىستىڭ مولشەرى 122 اەك-تەن 195 اەك-كە دەيىن, الماتى قالاسى ءۇشىن 144 اەك-تەن 230 اەك-كە دەيىن كوبەيدى. مەملەكەتتىك تاپسىرىستى ورنالاستىرۋ مەرزىمى 8 جىلدان 6 جىلعا دەيىن قىسقارتىلدى. الدىن الا جاسالعان كەلىسىمگە سايكەس 2025 جىلعا دەيىن 75 جاڭا جاتاقحانا سالۋ جوسپارلانعان.
بۇل شارا بيىل كۇزدە وڭىرلىك كاسىپكەرلەر پالاتاسىندا وتكەن عىلىم جانە جوعارى ءبىلىم مينيسترلىگى وكىلدەرىنىڭ الەۋەتتى ينۆەستورلارمەن جانە بيزنەس وكىلدەرىمەن كەزدەسۋلەرىنىڭ ناتيجەسىندە ازىرلەندى. اتاپ ايتقاندا, ينۆەستورلار مەملەكەتتىك تاپسىرىستى ورنالاستىرۋ تەتىگىنىڭ قولدانىستاعى شارتتارى بيزنەس ءۇشىن ءتيىمسىز ەكەنىن, سونىمەن قاتار قۇرىلىس ماتەريالدارى, قۇرىلىس-مونتاجداۋ جۇمىستارى قۇنىنىڭ ءوسۋى, سونداي-اق ەكىنشى دەڭگەيدەگى بانكتەردەگى پايىزدىق شىعىندارىنا بولا تاۋەكەل ەتپەگەن.
جالپى جاتاقحانا سالۋ بويىنشا مەملەكەتتىك تاپسىرىستى ورنالاستىرۋ جونىندەگى جاڭارتىلعان تەتىك ورىن تاپشىلىعىن عانا شەشپەيدى. سونداي-اق ۇزاق مەرزىمدى پەرسپەكتيۆادا مىناداي الەۋمەتتىك-ەكونوميكالىق ناتيجەلەر الۋعا مۇمكىندىك بەرەدى:
- جاتاقحانالاردىڭ نىسانالى قۇرىلىسى مەن پايدالانۋىنا كەتەتىن بيۋدجەت قاراجاتىن ۇنەمدەۋ, سايكەسىنشە مەملەكەتتىك بيۋدجەت نىسانالى قۇرىلىسقا ءبىر مەزگىلدە كەتەتىن شىعىندارعا ۇرىنبايدى;
- بولاشاقتا بيۋدجەت ەسەبىنەن سالىنعان جاتاقحانالاردى پايدالانۋعا شىعىندار بولمايدى;
- جاتاقحانانىڭ قۇرىلىسى كەزىندە ۋاقىتشا جۇمىس ورىندارى, جۇمىسىن باستاعاندا جاڭادان تۇراقتى جۇمىس ورىندارىن قۇرۋدى ىنتالاندىرۋ. دەمەك, ءبىر جاتاقحانا سالۋ كەزىندە 100-دەن 400-گە دەيىن جۇمىس ورنى اشىلادى.
مەملەكەتتەن بەرىلەتىن تولەمدەر مەرزىمى اياقتالعاننان كەيىن جاڭا وبەكت قۇرىلىس سالۋشىنىڭ مەنشىگىندە قالاتىنىن اتاپ ءوتۋ ماڭىزدى. جالعىز شارت جىلجىمايتىن م ۇلىككە تىركەلەتىن قۇقىقتا 20 جىلعا دەيىن وبەكتىنىڭ نىسانالى ماقساتىن وزگەرتۋگە بولمايدى. بۇدان بولەك, ينۆەستورلارعا ستۋدەنتتىك جاتاقحانالاردى سالۋ جانە رەكونسترۋكتسيالاۋ بويىنشا بانكتىك قارىزداردى «دامۋ» كاسىپكەرلىكتى دامىتۋ قورى ارقىلى سۋبسيديالاۋ مۇمكىندىگى بەرىلدى. جەكە سەكتور ءۇشىن كرەديتتەۋدىڭ سوڭعى مولشەرى «قاراپايىم زاتتار ەكونوميكاسى» باعدارلاماسىمەن - 7% جانە «بيزنەستىڭ جول كارتاسى – 2025» باعدارلاماسىمەن - 6% قۇرايدى.
