قوعام • 21 قاراشا، 2022

قاناتقاقتى جوبانىڭ جەمىسى

26 رەت كورسەتىلدى

تۇرعىنداردىڭ تۇرمىستىق تابىسىن جاقسارتۋعا باعىتتالعان قاناتقاقتى جوبا اياسىندا وڭىردە ىلكىمدى ىستەر قولعا الىنعانىنا بىرنەشە جىلدىڭ ءجۇزى بولدى. وڭ ناتيجە بەرگەن جوبانى ۇكىمەت ەل اۋماعىندا تاراتۋعا نيەتتى. بۇگىندە اتالعان جوبا ارقىلى ءوز ءىسىن دوڭگەلەتۋگە مۇمكىندىك العان ازاماتتاردىڭ قاتارى كوبەيىپ كەلەدى. وبلىستىڭ ءار اۋدانىنداعى اۋىلداردا جەرگىلىكتى جۇرتشىلىق كاسىبىنەن ءناسىبىن ايىرۋ ءۇشىن تىنباي ەڭبەكتەنىپ ءجۇر.

تالاس اۋدانىنىڭ تۇرعىنى ەرعازى سىدىقبەكوۆ جىلىجايدان 20 تونناعا دەيىن ءونىم جيناۋعا نيەتتەنىپ وتىر. قاناتقاقتى جوبانىڭ شاراپاتىن كورگەن ازامات ارەكەت ەتكەن ادامعا بە­رەكە قوناتىنىن جاقسى تۇسىنەدى. 20 سوتىق جەرگە قىزاناق جانە قيار ورنالاستىرعان كاسىپكەر الداعى ۋاقىتتا دا جۇمىس قارقىنىن ارتتىرۋعا نيەتتى. بۇگىندە قىزاناقتى جيناۋ جۇمىستارى قىزا تۇسكەن.

«شىنتۋايتىندا قاراپايىم ازامات­تاردىڭ كاسىپ باستاۋىنا پيلوتتىق جو­بانىڭ كوپ كومەگى تيگەنىن ايتپاي كەتۋگە بولمايدى. جوبامدى «تاراز» الەۋمەتتىك كاسىپكەرلىك كورپاراتسياسى» اق ماقۇلداپ، كاسىبىمدى جۇزەگە اسىرۋ ءۇشىن 8 ملن تەڭگەنى 2،5 پايىزبەن بەردى. تۇسىنە بىلگەن ادام ءۇشىن مۇنىڭ ۇلكەن مۇمكىندىك ەكەنى تالاس تۋدىرمايدى. بۇگىنگى تاڭدا العان نەسيە­مىزدى تولىق جاۋىپ تاستادىق. «تا­لاس-2020» كووپەراتيۆى تاراپىنان دا ايتارلىقتاي قولداۋ كورسەتىلىپ وتىر. ءۇش جىلدان بەرى ءونىمدى قاراتاۋ مەن تاراز قالاسىنداعى ساۋدا نۇكتەلەرى مەن الەۋمەتتىك دۇكەندەرگە وتكىزۋدەمىز. قىسقاسى، جۇمىسىمىزدى جۇرگىزۋ ءۇشىن بارلىق جاعداي قاراستىرىلعان»، دەيدى ە.سىزدىقبەكوۆ.

كاسىپكەردىڭ ايتۋىنشا، جىلىجاي كومىرمەن جىلىتىلادى. كوكونىستى باپتاۋمەن اينالىساتىن كووپەراتيۆتىڭ اگرونومى قانات الدابەرگەنوۆ جىلىجاي جىلدىڭ ءتورت مەزگىلىندە دە جۇمىس ىستەيتىنىن، مول ءونىم بەرەتىنىن ايتادى. ال مۇنداعى ەڭبەككەرلەر ىلكى ساتكە دە تىنىم تاپپايدى.

كاسىپتىڭ كوزىن، تابىستىڭ ءوزىن تاپ­قان ە.سىزدىقبەكوۆ مۇنىمەن توقتاپ قالعىسى جوق. وسى جىلدىڭ وزىندە 10 ميلليون تەڭگە تابىس تاپقان ول الداعى ۋاقىتتا جىلىجاي اۋماعىن 1 گەكتار القاپقا دەيىن ۇلعايتۋعا نيەتتى. سول ارقىلى مول تابىس تاباتىنىنا سەنىمدى.

جالپى، قاناتقاقتى جوبا بويىنشا تالاس اۋدانىنا قاراستى ءۇشارال اۋىلىندا كوپتەگەن جۇمىس جۇزەگە اسىرىلىپ جاتىر. بۇگىندە ۇشارالدىق 197 ازاماتقا جالپى سوماسى 524،7 ملن تەڭگەنى قۇرايتىن جەڭىلدەتىلگەن نەسيە بەرىلگەن. اۋىلدىقتار مال باسىن شامامەن ەكى مىڭعا ارتتىرعان كورىنەدى.  

قاناتقاقتى جوبا ارقىلى اتقا­رىلىپ جاتقان جۇمىستار ءوڭىر باسشىسى نۇرجان نۇرجىگىتوۆتىڭ نازارىنان تىس قالعان ەمەس.

ء«ار وتباسىنىڭ تۇراقتى تابىسى بولۋى كەرەك. ءبىز سول باعىتتا جۇمىس اتقا­رامىز. اۋىلدىق وكرۋگ اكىمدەرى وزدەرىنە ارتىلعان جاۋاپكەرشىلىكتى سەزىنىپ، ناقتى ارەكەت ەتىپ، ءار اۋلانىڭ احۋالىنان حاباردار بولىپ وتىرۋى قاجەت. جوبانىڭ مۇمكىندىگىن ۇتىم­دى پايدالانىپ، اۋىلدىقتاردىڭ تۇر­مىسىن تىكتەۋگە كۇش سالعان ءجون. سول ارقىلى ءبىز ەلدى مەكەن تۇرعىندارىنىڭ جاعدايىن تۇزەيمىز. جوبا الداعى ۋاقىتتا دا جۇيەلى تۇردە جالعاسىن تابادى»، دەيدى ن.نۇرجىگىتوۆ.

ءوڭىر تۇرعىندارىنىڭ تابىسىن ارتتىرۋدى كوزدەيتىن قاناتقاقتى جوبانىڭ ەكىنشى كەزەڭى دە باستالىپ كەتتى. ەكىنشى كەزەڭگە تالاس اۋدانىنا قاراستى ويىق اۋىلدىق وكرۋگى ەنىپ وتىر. اتالعان اۋىلدا بۇگىندە دايىندىق جۇمىستارى قىزا تۇسكەن.

قىسقاسى، قاناتقاقتى جوبانىڭ راحاتىن سەزىنىپ، كاسىبىنەن ءناسىبىن تاپقان ەڭبەكقور ازاماتتارعا دەگەن قامقورلىق تولاستاماق ەمەس. وبلىس اكىمى نۇرجان نۇرجىگىتوۆتىڭ ايتۋىنشا، جىلىجاي يەلەرىنىڭ ءبىرشاما شىعىنىن وتەپ بەرۋ بويىنشا الداعى ۋاقىتتا ناقتى جۇمىستار قولعا الىنباق.

 

جامبىل وبلىسى،

تالاس اۋدانى

سوڭعى جاڭالىقتار

جەدەل جەلى قوسىلدى

الەم • بۇگىن، 00:28

«ساۋلەڭ بولسا كەۋدەڭدە...»

پىكىر • بۇگىن، 00:21

قۋاتى مول قۇراما جەم

ەكونوميكا • بۇگىن، 00:14

تەكەلىنىڭ ءتاتتى تاعامدارى

ايماقتار • بۇگىن، 00:05

جەر سىلكىنىسى: ساقتىق پەن ساباق

توتەنشە جاعداي • كەشە

تالقى

ادەبيەت • كەشە

قار ۇستىندەگى قارساق

ايماقتار • كەشە

الكەيدىڭ كۇندەلىگى

تاريح • كەشە

«حات قورجىن»

قوعام • كەشە

قارعىن سۋدان قاۋىپ بار

توتەنشە جاعداي • كەشە

وقۋشىلار تاپقان ولجا

جادىگەر • كەشە

ۇقساس جاڭالىقتار