«ون ء(بىر) جىل مەكتەپ پارتاسىندا...»

الداعى دۇيسەنبى كۇنى ەلىمىز بويىنشا مەكتەپ بىتىرۋشىلەر ۇلتتىق بىرىڭعاي تەست بويىنشا سىناق تاپسىرىپ, العان بىلىمدەرىن دايەكتەيدى. بۇل تاسىلمەن ەمتيحان العالى دا 10 جىلدىڭ ءجۇزى بولدى. وسى ۋاقىت ىشىندە 1 ميلليون 335 مىڭ مەكتەپ ءبىتىرۋشى سىناققا قاتىسقان ەكەن. بىردەن ايتايىق, ۇبت-عا قاتىسۋ ەرىكتى. وندا 4 پاننەن, ناقتىلاي تۇسسەك, وقىتۋ ءتىلى (قازاق جانە ورىس), قازاقستان تاريحى, قازاق ءتىلى, ورىس تىلىندە وقيتىندار ءۇشىن نەمەسە ورىس ءتىلى, قازاق تىلىندە وقيتىندارعا, ماتەماتيكا جانە تاڭداۋ ءپانى بەلگىلەنگەن. ەكىسى كۇنى باستالاتىن ەمتيحان 9 ماۋسىمدا اياقتالادى. ۇستىمىزدەگى جىلى ەلىمىز مەكتەپتەرىن بىتىرگەن 133 مىڭ 266 تۇلەكتىڭ 92077-ءسى قا­تىسادى. ونىڭ 63603-ءى قازاق تىلىندە, 28447 مەكتەپ ءبىتىرۋشى ورىس تىلىندە ۇبت تاپسىرادى. جاۋاپتى ناۋقاندى وتكىزۋ جۇمىس­­­­­­تارىنا ازىرلىك جان-جاقتى قاراستىرىلعان. ونى 1700 ازامات قاداعالايتىن بولادى. ۇبت 155 ارنايى جابدىقتالعان پۋنكت­­تەردە وتكىزىلەدى. ونىڭ 107-ءسى اۋدان ورتالىقتارىندا بولسا, 48-ءى وبلىستىق, استانا مەن الماتى قالالارىنىڭ جوعارى وقۋ ورىندارىنا ورنالاسقان. ۇلتتىق جوعارى وقۋ ورىندارى­نا ءتۇسۋ ءۇشىن كونكۋرسقا قاتىسۋدىڭ شەك­تىك دەڭگەيى –70 بالدى قۇراسا, ءبىلىم, اۋىل شارۋاشىلىعى عىلىمدارى جانە ۆە­تەريناريا ماماندىقتارىنا كە­مىن­دە – 60 بال, جالپى مەديتسينا باعى­تى بو­ي­ىنشا – 55 بال, ال باسقا جوعا­رى وقۋ ورىندارىنا, ونىڭ ىشىندە اقىلى ءبولى­مىنە ءوتۋ بالى – 50 بال بولىپ ­بەل­گىلەن­گەن. اعىمداعى جىلى «التىن بەلگىگە» ۇمىتكەرلەر 4491-ءدى قۇراپتى. ولار ۇبت-عا قاتىسىپ, ءوز بىلىمدەرىن دالەلدەسە, وسى بيىك ماراپاتقا يە بولادى. گازەت وقىر­ماندارىنىڭ دەنى بيىل بولىنگەن مەملەكەتتىك تاپسىرىس قانشا ەكەن دەگەن سۇراقتى ءجيى قويۋدا. وعان بەرەر جاۋاپ, بارلىق گرانتتىڭ سانى – 34165, ونىڭ ىشىندە – 500 گرانت سىرتتاي وقۋ بولىمىنە, جوعارى وقۋ ورىندارىنىڭ دايارلىق بولىمىنە – 2530 گرانت, قازاقستان-بريتان تەحنيكالىق ۋنيۆەرسيتەتىنە – 200, نازارباەۆ ۋنيۆەرسيتەتىنە – 545 ورىن قاراستىرىلعان ەكەن. سونىمەن, «ون جىل مەكتەپ پارتاسىندا...» دەپ, ون جىل ەمەس 11 جىل مەكتەپ پارتاسىندا وتىرىپ, بالالىق بال داۋرەنىمەن قوش ايتىسقان تۇلەكتەر ەندىگى جەردە ءبىلىم سىناعىن جاقسى تاپسىرىپ, ءبىرى جوعارى وقۋ ورىندارىنا جولداما السا, ەكىنشىلەرى ەڭبەك مايدانىنا ساپ تۇزەپ شىعاتىن بولادى. سۇلەيمەن مامەت, «ەگەمەن قازاقستان».